ដោយឧត្តម៖ រយៈពេល២ថ្ងៃជាប់គ្នា មកហើយ ស្ថានភាព អាកាសធាតុ កម្ពុជា មានភាពខ្យល់កន្ត្រាក់បង្កអោយ ខ្យល់បក់ខ្លាំង ស្ទើរក្លាយជាព្យុះ។ មានផ្ទះប្រជាពលរដ្ឋមួយចំនួន ខូចខាត ដោយឡែកៗពីគ្នា។ យ៉ាងណាមិញ តារាចម្រៀង វឿន ជីវ៉ា ក៏ផ្ទះម្តាយនៅ ស្រុករងផលប៉ះពាល់ខូចជាច្រើនកន្លែង គួរអោយស្តាយ។
វឿន ជីវ៉ា សមាជិក ក្រុម ឡេឌីស្មាយ និងជាអតីត បេក្ខជនប្រឡងចម្រៀង X factor Cambodia នាងមានការសោកស្តាយ ពេលឃើញផ្ទះម្តាយនៅ ខេត្តកំពង់ចាមរងផលប៉ះពាល់។ ផ្ទះដែលខូចខាតនេះ នាងបានតស៊ូ រកប្រាក់សន្សំលុយទាំងយប់ថ្ងៃច្រើនខែ ទំរាំរំលេចបាន។ ពេលនេះបែរជាខូចហើយ ត្រូវបន្តខំរកប្រាក់ជាថ្មី ដើម្បីបានសាងសង់ ជួសជុលជាថ្មី។
មិត្តភក្តិក្នុងសិល្បៈ មានការសោកស្តាយ ដែលនាងជួបរឿងបែបនេះ ព្រោះរាល់ថ្ងៃជីវ៉ា នៅតែផ្ទះជួលនាក្រុងភ្មំពេញ ដើម្បីដើរច្រៀងរកលុយជួយម្តាយ។ នេះជាអ្វីដែលនឹកមិនដល់ ហើយសង្ឃឹមថា ជីវ៉ារឹងមាំហើយតស៊ូ ជាមួយការងារ ជាថ្មី ដើម្បីស្រោចស្រង់ផ្ទះថ្មី ឡើងវិញ។
