រថយន្តពីរគ្រឿងដែលលួចដឹកមនុស្សឆ្លងដែនទៅថៃ ត្រូវសមត្ថកិច្ចស្ទាក់ចាប់បាន

បន្ទាយមានជ័យ៖ កម្លាំងនគរបាលស្រុកស្វាយចេក សហការជាមួយកម្លាំងយោធាធ្វើការល្បាតស្ទាក់ចាប់ឃាត់រថយន្តចំនួន០២ គ្រឿងដឹកមនុស្សចំនួន១៧នាក់( កុមារ០២ នាក់ ) ដើម្បីឆ្លងដែនចូលទៅប្រទេសថៃ កាលពីវេលាម៉ោង០៣និង២៥នាទីរសៀលថ្ងៃទី០៦ ខែឧសភាឆ្នាំ ២០២១ ចំណុចចំការស្វាយច័ន្ទីនៅខាងជើងឈៀងខាងកើតភូមិតេជោ ភ្នំឆ័ត្រស្ថិត នៅភូមិតេជោភ្នំឆ័ត្រ ឃុំស្វាយចេក ស្រុកស្វាយចេក ខេត្តបន្ទាយមានជ័យ ។
លោក វរសេនីយ៍ឯកជា ស្លូញ អធិការនគរបាលស្រុកស្វាយចេក បានឲ្យដឹង ថា ៖ ម្ចាស់រថយន្តទាំងពីរខាងលើនេះរួយមាន៖ ទី១- ឈ្មោះ រ៉ម ហុង ភេទប្រុស អាយុ២៣ឆ្នាំ នៅ ភូមិណាំតៅ ឃុំណាំតៅ ស្រុកភ្នំស្រុក ខេត្តបន្ទាយមានជ័យ បើកបររថយន្ត ម៉ាក់កាមរី ពណ៌បៃតងចាស់ ពាក់ផ្លាកលេខ 2B-1130 ដឹកមនុស្ស០៥ នាក់ស្រីម្នាក់នាក់ និងទី២- ឈ្មោះ គង់ ណោក ភេទប្រុសអាយុ៥០ឆ្នាំ នៅភូមិ ណាំតៅ ឃុំណាំតៅ ស្រុកភ្នំស្រុក ខេត្តបន្ទាយមានជ័យ បើកបររថយន្ត ម៉ាកសាំយ៉ុ ង ពណ៌សរ ពាក់ផ្លាកលេខ 2B-5662 ដឹកមនុស្សចំនួន១២នាក់ស្រី១០នាក់កុមារ០២នាក់( ស្រី០១ នាក់ ) ។ ក្នុងនោះមកពីកំពង់ចាម០៦នាក់បាត់ដំបង១០នាក់បន្ទាយមាន ជ័យ ០១ នាក់ ។

លោកអធិការនគរបាលស្រុកស្វាយចេក បានបញ្ជាក់ ថា ៖ តាមចម្លើយសារភាព របស់ អ្នកបើកបរ រថយន្ត ទាំង ០២ នាក់មនុស្សដែលគេដឹកដើម្បីឆ្លងដែនទៅថៃទាំង១៧នាក់ នោះគឺតាមមេខ្យល់បានកំណត់ដោយគេយកតម្លៃតាមជិតតាមឆ្ងាយមាន២៥០បាត ,៣០០បាត,៤០០បាត ។កម្លាំអសមត្ថកិច្ចកំពុងរៀបចំសំណុំរឿងបញ្ជូនខ្លួទៅសា្នងការដ្ឋាននគរបាល ខេត្តបន្ទាយមានជ័យ ដើម្បីចាត់ការបន្តតាមនីតិវិធីច្បាប់ ។ ដោយឡែកពលករទាំង១៧នាក់កុមារ០២ នាក់ បញ្ជូនទៅមណ្ឌលចត្តាឡីស័ក វិទ្យាល័យ ស្វាយចេក ៕