គ្រោះថ្នាក់ចរាចរណ៍ដោយរថយន្តបុកម៉ូតូ នៅលើផ្លូវជាតិលេខ៣ បណ្តាលអោយស្ត្រីជនជាតិប្រេស៊ីលម្នាក់ ស្លាប់

ខេត្តកំពត ៖ ស្រ្តីជនជាតិ ប្រេស៊ីលម្នាក់ បានស្លាប់ពេលបញ្ជូនដល់មន្ទីរពេទ្យបង្អែកខេត្តកំពត កាលពីយប់ថ្ងៃទី២៧ ខែមេសា ឆ្នាំ២០២១ នៅលើផ្លូវជាតិលេខ៣ (កំពត-វាលរេញ) ត្រង់ចំណុចចន្លោះបង្គោលគីឡូម៉ែត្រលេខ ១៥១.១៥២ ស្ថិតក្នុងភូមិតាដឹប សង្កាត់អណ្តូងខ្មែរ ក្រុងកំពត ខេត្តកំពត។

សមត្ថកិច្ចនៅកន្លែងកើតហេតុ បានឱ្យដឹងថា នៅវេលាម៉ោងកើតហេតុខាងលើមានរថយន្តមួយគ្រឿងមិនស្គាល់ម៉ាក និងសាវតា បើកបរដោយបានបុកជាមួយម៉ូតូជនរងគ្រោះក្នុងទិសដៅស្របគ្នា រួចបើករថយន្តគេចបាត់ពីកន្លែងកើតហេតុ។

តាមសាក្សីនៅកន្លែងកើតហេតុបានឱ្យដឹថា មុនពេលកើតហេតុគេឃើញរថយន្តបង្ករបានបើកបរក្នុងទិសដៅពីត្បូងទៅជើង លុះទៅដល់ត្រង់ចំណុចកើតហេតុខាងលើបានទៅបុកនឹងម៉ូតូមួយគ្រឿងម៉ាក C.D ពណ៍ខ្មៅ គ្មានផស្លាកលេខ ដែលបើកបរដោយស្ត្រីជនជាតិប្រេស៊ីល អាយុ ៣៣ឆ្នាំ ឈ្មោះ MONTONI NATALIA (មិនពាក់មួកសុវត្ថិភាព) បើកក្នុងទិសដៅពីត្បូងទៅជើង បណ្តាលឱ្យអ្នកបើកម៉ូតូរងរបួសធ្ងន់ហើយបានបានស្លាប់ពេលបញ្ជូនដល់មន្ទីរពេទ្យបង្អែកខេត្តកំពត៕