ខេត្តកណ្តាល ៖ សមត្ថកិច្ចស្រុកមុខកំពូល ឃាត់ខ្លួនបុរសម្នាក់ ពាក់ព័ន្ធ ករណីជួញដូរដោយខុសច្បាប់នូវសារធាតុញៀនចំណុច ភូមិគោហ៊េ ឃុំរកាកោងទី១ ស្រុកមុខកំពូល ខេត្តកណ្ដាល ថ្ងៃអាទិត្យ១៤កើត ខែពិសាខ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី២៥ខែមេសាឆ្នាំ២០២១។
ជនសង្ស័យ ឈ្មោះ ធី ស៊ីម៉េត អាយុ២១ឆ្នាំ ជនជាតិខ្មែរ រស់នៅភូមិ គោហ៊េ ឃុំ រកាកោងទី១ ស្រុក មុខកំពូល ខេត្ត កណ្ដាល។
វត្ថុតាងដកហូតរួមមានម្សៅក្រាម ស ថ្លា សង្សយ័សារធាតុញៀនចំនួន០៣ កញ្ចប់តូច ។
សូមបញ្ជាក់ថា ប្រជាពលរដ្ឋរបាយការណ៍មកលោកនាយប៉ុស្តិ៍ថា មានករណីជួញដូរដោយខុសច្បាប់នូវសារធាតុញៀន នៅក្នុងវត្តគោហ៊េ ឃុំរកាកោងទី១ ភ្លាមនោះលោកនាយប៉ុស្តិ៍បានដឹកនាំកំលាំងប៉ុស្តិ៍ទៅដល់កន្លែងកើតហេតុ បានឃើញជនសង្សយ័ហើយបានឆែកឆេរលើខ្លួនជនសង្សយ័ឃើញម្សៅក្រាមសថ្លា សង្សយ័សារធាតុញៀនចំនួន០៣ កញ្ចប់តូច ។ ហើយបាននាំខ្លួនមកកាន់ប៉ុស្តិនគរបាលរដ្ផបាលដើម្បីធ្វើការសាកសួរ ។
នៅចំពោះមុខសមត្ថកិច្ច ជនសង្សយ័បានសារភាពថា ខ្លួនបានទិញ ថ្នាំញៀនពីជនមិនស្គាល់ឈ្មោះនៅកំពង់ប្រាសាទ ឃុំស្វាយអំពារក្នុងតំលៃ ១០មុីនរៀល ។
បច្ចុប្បន្ន ជនសង្សយ័ និងវត្ថុតាង បានបញ្ចូនមកកាន់អធិការដ្ឋាននគរបាលស្រុកមុខកំពូល ដើម្បីបន្តនិតិវិធី តាមផ្លូវច្បាប់៕
