សមត្ថកិច្ចខេត្តបាត់ដំបង ឃាត់ខ្លួន មន្រ្តីយោធា ផ្កាយ៣ ក្លែងក្លាយម្នាក់

ខេត្តបាត់ដំបង ៖ ការិយាជំនាញនៃកងរាជអាវុធហត្ថខេត្តបាត់ដំបង បានឃាត់ខ្លួនជនសង្ស័យ ម្នាក់ ដែលជាយោធា ក្លែងក្លាយ ពាក់ផ្កាយ៣ កាលពីរសៀល ថ្ងៃទី២១ ខែមេសា ឆ្នាំ២០២១ នៅភូមិស្តៅ ឃុំបាយដំរាំ ស្រុកបាណន់។

ជនសង្ស័យ ដែលត្រូវឃាត់ខ្លួន ឈ្មោះ រស់ វណ្ណៈ ភេទប្រុស អាយុ៣៣ឆ្នាំ មុខមិនពិតប្រាកដ ទីលំនៅភូមិតាងួន សង្កាត់កាកាប ខ័ណ្ឌពោធិ៍សែនជ័យ ក្រុងភ្នំពេញ ( ប្រើប្រាស់ឯកសណ្ឋានយោធា)។

ដកហូតវត្ថុតាង=
-អាវត្រីអ៉ី ហារិយែន ចំនួន០១។
-សក្តិស្មាថ្នាក់ឧត្តមសេនីយ៍ឯក ចំនួន០១ គូរ។
-សក្តិកអាវថ្នាក់ឧត្តមសេនីយ៍ឯកចំនួន០១គូរ។
-ផ្លាកឈ្មោះ ឧ.រស់ វណ្ណៈ ចំនួន ០១។
-គ្រឿងឥស្សរយយស(មេដាយ) ចំនួន ០១ឈុត។
-ស្លាកសញ្ញាអគ្គបញ្ជាការចំនួន ០១។
-បណ្តោងហនុមានចំនួន០១។
-ស្បែកជើងកវែង ០១ គូរ។
-ខ្សែសាន់ណារ៉ុង ០១។
-មួកប៉ារ៉េ ពណ៌ខ្មៅ ០១ ។
-មួកកាស្កេតថ្នាក់ឧត្តមសេនីយ៍ ចំនួន០១។
-ព្រះរាជក្រឹត្យត្រាស់បង្គាប់តែងតាំងថ្នាក់ ឧត្តមសេនីយ៍ឯក ក្លែងក្លាយចំនួន០១។
-ទូរស័ព្ទដៃ០២ គ្រឿង។
-រថយន្ត ០១ គ្រឿង ម៉ាក តូយ៉ូតាព្រូសពណ៌ប្រផេះ ផ្លាកលេខ ភ្នំពេញ 2AI 2592។

បច្ចុប្បន្ន កម្លាំងសមត្ថកិច្ចកងរាជអាវុធហត្ថខេត្តបាត់ដំបង បាននឹងកំពុងរៀបចំកសាងសំណុំរឿងបញ្ជូនទៅតុលាការយោធា ដេីម្បីចាត់ការតាមនីតិវិធីច្បាប់៕