ខេត្តប៉ៃលិន ៖ កម្លាំងគោលដៅ និងកម្លាំងជំនាញផ្នែកប្រឆាំងគ្រឿងញៀន នៃអធិការដ្ឋាននគរបាលស្រុកសាលាក្រៅ បានធ្វើការឃាត់ខ្លួនជនសង្ស័យចំនួន ០២នាក់ ថ្ងៃច័ន្ទ ០៨កើត ខែពិសាខ ឆ្នាំឆ្លូវ ត្រីស័ក ព.ស ២៥៦៤ ត្រូវនឹង ថ្ងៃទី១៩ ខែមេសា ឆ្នាំ២០២១ នៅវេលាម៉ោង ១៨:៣០នាទី ពាក់ព័ន្ធក្នុងករណីរក្សាទុក និងប្រេីប្រាស់នូវសារធាតុញៀនខុសច្បាប់ នៅចំណុចគោលដៅសំបូរ ផ្លូវបំបែកទៅភូមិស្រែអន្ទាក់ ស្ថិតក្នុងភូមិភ្នំកុយ ឃុំសាលាក្រៅ ស្រុកសាលាក្រៅ ខេត្តប៉ៃលិន។
ជនសង្ស័យទី១ឈ្មោះ សាយ រាំបូ ភេទប្រុស អាយុ ២០ឆ្នាំ រស់នៅភូមិភ្នំកុយ ឃុំសាលាក្រៅ ស្រុកសាលាក្រៅ ខេត្តប៉ៃលិន។
ជនសង្ស័យទី២ឈ្មោះ ឈុន ឈីង ភេទប្រុស អាយុ ២១ឆ្នាំ រស់នៅភូមិស្រែអន្ទាក់ឃុំសាលាក្រៅ ស្រុកសាលាក្រៅ ខេត្តប៉ៃលិន។
វត្ថុតាងរួមមាន៖
១-ម្សៅក្រោមសថ្លាសង្ស័យជាគ្រឿងញៀនចំនួន ០១កញ្ចប់តូច ។
២-ម៉ូតូចំនួន ០១គ្រឿងម៉ាក MSX ផលិតឆ្នាំ២០១៥ ពណ៌ក្រហមស្លាកលេខប៉ៃលិន 1A-9615។
បច្ចុប្បន្ន ជនសង្ស័យខាងលើ និងវត្ថុតាងត្រូវ បាន ឃាត់ខ្លួន និងរក្សាទុកនៅអធិការដ្ឋាននគរបាលស្រុកសាលាក្រៅ ដេីម្បីចាត់ការតាមនីតិវិធីច្បាប់ ៕
