ភ្នំពេញ៖ គ្រាន់តែដឹងថា កញ្ញាភេទទី៣ ដេមី (DEMI) ដាក់ពាក្យប្រឡងជាបេក្ខភាព Miss Queen Cambodian 2021 ភ្លាម ស្រាប់តែធ្វើឲ្យហ្វែនៗរបស់ខ្លូន នាំគ្នារិះគន់តាមរយៈការបញ្ចេញមតិលើហ្វេសប៊ុក មកលើរូបនាងយ៉ាងចាស់ដៃ ភ្លូកទឹកភ្លូកដី រហូតមានពាក្យខ្លះឃើញហើយស្ទើរក្អួតឈាមទៀតផង ។
មានមិត្តក្នុងហ្វេសប៊ុកខ្លះបញ្ចេញមតិថា និយាយត្រង់ចុះអត់ស្អាតទេ ! អ្នកខ្លះថា លេចធ្លោត្រង់ធ្មេងនឹងម៉ង់ ។ ប៉ុន្តែក៏ឃើញមានអ្នកខ្លះចូលមកបញ្ចេញមតិសូមឲ្យរិះគន់បែបស្ថាបនា ដើម្បីឲ្យដេមីយកពាក្យទាំងនេះទៅកែប្រែជីវិតឲ្យកាន់តែល្អប្រសើឡើង ។
បើទោះបីជាមានការរិះគន់ច្រើនយ៉ាងណាក្តី កញ្ញាដេមី ហាក់មិនសម្តែងទឹកចិត្តខឹងស្អប់ចំពោះអ្នករិះគន់ទាំងអស់នោះទេ ដោយដេមីបានលើកឡើងថា ដេមីរីករាយទទួលយកនូវការរិះគន់ពីហ្វែនៗទាំងអស់ ដើម្បីយកនូវការិះគន់ទាំងនោះមកជាការអភិវឌ្ឍន៍ខ្លួនឯងវិញ ។ ការរិះគន់កាន់តែច្រើន ដេមីកាន់តែខិតខំប្រឹងប្រែងធ្វើឲ្យខ្លួនរឹងមាំ និងទទួលបានភាពជោគជ័យកាន់តែខ្លាំង ។
គេសង្កេតឃើញថា កញ្ញាដេមី ក្រោយពីបានដាក់ពាក្យប្រកួតប្រជែងក្នុងកម្មវិធី Miss Queen Cambodian 2021 ដេមីបានលេងឈុតសម្លៀកបំពាក់បង្ហាញភាពទាក់ដល់មហាជន ជាច្រើនម៉ូត និងឈុតស៊ិចស៊ីបង្ហាញរាងដងខ្លួនយ៉ាងស្រលូនស្រលឹមផងដែរ ៕
