ភ្នំពេញ៖ កាលពីថ្ងៃទី១៧ ខែមេសា ឆ្នាំ២០២១ វេលាម៉ោង១០ និង៣០នាទី កម្លាំងនគរបាលព្រហ្មទណ្ឌខណ្ឌសែនសុខចុះបង្ក្រាបនឹងឃាត់ខ្លួនជនសង្ស័យ០៤នាក់ករណីប្រមូលផ្តុំគ្នាលេងល្បែងស៊ីសងដោយខុសច្បាប់ជល់មាន់ដាក់លុយ ល្មើសនឹងវិធានការរបស់ក្រសួងសុខាភិបាល និងមិនស្តាប់តាមការណែនាំរបស់អាជ្ញាធរ ស្ថិតនៅចំណុចមុខដីឡូតិ៍ឃ្លាំងសង់ថ្មី ផ្លូវបេតុង ភូមិបូរីកម្មករ សង្កាត់ទឹកថ្លា ខណ្ឌសែនសុខ ។
ប្រភពពីសមត្ថកិច្ចបានឲ្យដឹងថា ជនសង្ស័យទី ១-ឈ្មោះ ផល សូវៀត ភេទប្រុស អាយុ៣១ឆ្នាំ ជនជាតិខ្មែរ មុខរបរចិញ្ចឹមថែមាន់ជល់ ស្នាក់នៅដីឡូតិ៍ឃ្លាំងសង់ថ្មី ផ្លូវបេតុង ភូមិបូរីកម្មករ សង្កាត់ទឹកថ្លា ខណ្ឌសែនសុខ ។ ទី២-ឈ្មោះ វណ្ណ សុខនី ភេទស្រី អាយុ២៣ឆ្នាំ ជនជាតិខ្មែរ មុខរបរចិញ្ចឹមថែមាន់ជល់ ស្នាក់នៅដីឡូតិ៍ឃ្លាំងសង់ថ្មី ផ្លូវបេតុង ភូមិបូរីកម្មករ សង្កាត់ទឹកថ្លា ខណ្ឌសែនសុខ ទី ៣-ឈ្មោះ គង់ ប៊ុនឡុង ភេទស្រី អាយុ៣៤ឆ្នាំ ជនជាតិខ្មែរ មុខរបរជាងភ្លើង ស្នាក់នៅដីឡូតិ៍ឃ្លាំងសង់ថ្មី ផ្លូវបេតុង ភូមិបូរីកម្មករ សង្កាត់ទឹកថ្លា ខណ្ឌសែនសុខ និងទី៤-ឈ្មោះ មុំ តូ ភេទប្រុស អាយុ៣៨ឆ្នាំ ជនជាតិខ្មែរ មុខរបរចិញ្ចឹមថែមាន់ជល់ ស្នាក់នៅដីឡូតិ៍ឃ្លាំងសង់ថ្មី ផ្លូវបេតុង ភូមិបូរីកម្មករ សង្កាត់ទឹកថ្លា ខណ្ឌសែនសុខ ។ ចំពោះសម្ភារៈដែលបន្សល់ទុក មាន់ជល់០៥ក្បាល ខ្នាយ០២គូរ ជញ្ជី១ ចាន១ គ្រាប់អាប៉ោង១ និងអាវុធកែច្នៃបាញ់សត្វ០១ដើម ។
ក្រោយពីឃាត់ខ្លួន កម្លាំងសមត្ថកិច្ចបានបញ្ជូនជនសង្ស័យខាងលើទៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធី ៕
