ខេត្តស្វាយរៀង ៖ យុវជនម្នាក់ពេលស្រវឹង មិនព្រម ទៅដេក នៅមិនស្ងៀម ទៅយកគល់អុស គប់កញ្ចក់រថយន្គគេ បណ្តាលអោយបែកកញ្ចក់ខាងក្រោយផ្នែកខាងស្តាំ ខ្ទេច ត្រូវសមត្ថកិច្ច ចាប់ខ្លួនភ្លាមៗ នៅត្រង់ចំណុចភូមិ លៀប ឃុំ កណ្តៀងរាយ ស្រុក ស្វាយទាប ខេត្តស្វាយរៀង។
សមត្ថកិច្ចបានឲ្យដឹងថា៖នៅមុនពេលកើតហេតុមានរថយន្តមួយគ្រឿង ម៉ាក កូរ៉ូឡា ពណ៍.ស.សេរីឆ្នាំ២០០៣.ពាក់ស្លាកលេខ ស្វាយរៀង2A.2038បើកបរដោយឈ្មោះ ភោគ.បូរ៉ាក ភេទ ប្រុស អាយុ ៣៥ឆ្នាំ មុខរបរ លាងរថយន្ត រស់នៅភូមិ លៀប ឃុំ កណ្តៀងរាយ ស្រុក ស្វាយទាប ខេត្តស្វាយរៀងដែលយកនំចំណីទៅជួនម្តាយឪពុកក្នុងពិធីចូលឆ្នាំថ្មីនៅភូមិ ប្រសូតិទី១ ឃុំ កណ្តៀងរាយ ស្រុក ស្វាយទាប ខេត្តស្វាយរៀង។
ប្រភពបានបន្តទៀតថា៖លុះត្រឡប់មកវិញដល់ត្រង់ចំណុចខាងលើស្រាប់តែមានក្មេងស្ទាវម្នាក់បានយកគល់អូសចំនួន២កុំណាត់មកគុបលើរថយន្តខាងលើបណ្តាលអោយបែកកញ្ចក់ខាងក្រោយផ្នែកខាងស្តាំខ្ទេចអស់មួយចំហៀង។
ជនបង្ករមានឈ្មោះ រាជ រិទ្ធី ភេទប្រុស អាយុ ២៦ឆ្នាំ មុខរបរមិនពិតប្រាកដរស់នៅភូមិ លៀប.ឃុំ កណ្តៀងរាយ.ស្រុក ស្វាយទាប ខេត្តស្វាយរៀងចាត់ការតាមផ្លូវច្បាប់។
មូលហេតុក្មេងស្ទាវខាងលើស្រវឹងស្រា៕
