មកស្គាល់អ្នកឯកទេសវ័យក្មេងផ្នែកសម្រស់ ដែលមានអតីតកាល ជាក្មេងរត់តុ

កម្លោះសង្ហាម្នាក់ដែល មានអតីតកាលតស៊ូ ខ្លាំងមិនចាញ់គេដែរនោះ បានហែលកាត់នូវរឿងរ៉ាវជីវិតច្រើនគួរសម ពីបាតដៃទទេរលំបាកតោកយ៉ាក។ ប៉ុន្តែពេលនេះរូបគេបាន ប្រសើរច្រើនស្មានមិនដល់ ដែលជីវិតអាចល្អស្ទើរមិនគួរអោយជឿ។
លោកPee Bin មានឈ្មោះពិត មឿន កុសល ដែលពេលនេះលោក ជាអ្នកឯកទេសផ្នែកកែសម្រស់ ដ៍ជំនាញមួយ ប្រចាំហាងទីណា កែសម្ជស្សនិងប៉ាក់ចិញ្ចើម។ លោកភី ប៊ិន ពីច្រើនឆ្នាំមុនជាអ្នករត់តុម្នាក់ដែល មានប្រាក់ខែតិចតួចប៉ុណ្ណោះ។ ពេលនោះលោកមិនដឹងថា អនាគតបានប្រែជីវិត បែបណាឡើយ។
លោកភី ប៊ីន បានរំលឹកថា ពេលនៅរត់តុ រកតែលុយទិញម៉ូតូ និងទិញទូរស័ព្ទប្រើមិនបានទេពេលនោះ។ លោករៀនត្រឹមថ្នាក់ទី១១ប៉ុណ្ណោះ ដោយសារខ្វះខាតពេក។លុះជានិស្ស័យល្អ បានអ្នកនាងទីណា ជាថៅកែហាង ដែលលោកធ្វើការជាមួយពេលនេះ អាណិត ហើយជួយអោយលោក បានមកហាត់រៀន។ លោកបានចូលហាត់រៀនច្រើនឆ្នាំ ដំបូងខ្លាចម្ជុលខ្លាចឈាមណាស់។ ប៉ុន្តែឃើញគេធ្វើ បានហេតុអ្វីយើងធ្វើមិនបាន ត្រូវតែខំជម្នះអោយបាន។ យ៉ាងណាលោកបាន ខាងអ្នកនាងទីណា អាណិតស្រឡាញ់ផ្តល់កំណើត ដូចនេះ លោកនៅតែបន្តជួយការងារគាត់វិញ ពេលនេះអត់ទាន់ចង់ទៅណាចោលទេ។ យ៉ាងណាជីវិត គ្មានអ្វីក្រៅពីតស៊ូ ជម្នះទើបឆ្លងផុតការលំបាកបានកុំចុះចាញ់ហើយ គិតថាធ្វើមិនបាន។