ផ្ទុះឆេះអូប័រមួយគ្រឿង នៅមុខកោះសំពោច បាត់ខ្លួន មន្ត្រីយោធា ២នាក់ កំពុងស្វែងរក

ខេត្តព្រះសីហនុ ៖ បើយោងតាមប្រភពព័ត៌មាន តាមបណ្ដាញសង្គមហ្វេសប៊ុក របស់របស់មន្ត្រី យូធាកងទ័ពជើងទឹកមូលដ្ឋានសមុទ្ររាម បានសរសេរថា នៅវេលាម៉ោង១៣:៣០នាទី ថ្ងៃទី០៥ ខែមេសា ឆ្នាំ២០២១ មានករណីផ្ទុះឆេះ អូប័រមួយគ្រឿង របស់អង្គភាពទីបញ្ជាការជួរមុខ (សន្តិសុខលម្ហសមុទ្រ) នៅពេលកំពុងចេញបំពេញបេសកម្មល្បាតក៏បានជួបឧបទ្ទវហេតុផ្ទុះឆេះនៅចំណុច Lat:10°28’00″N Long:103°40’00″E (ខាងត្បូងកោះសំពោច) ពីខាងមុខឆ្នេរព្រែកចាក រយះចម្ងាយ2Mileពីឆ្នេរព្រែកចាក ស្ថិតក្នុងឃុំរាម ស្រុកព្រៃនប់ខេត្តព្រះសីហនុ។

នៅលើអូប័រដែលជួបឧបទ្ទវហេតុ ផ្ទុះឆេះ មានមនុស្ស០៦នាក់ ជាយោធា ចំពោះករណីផ្ទុះឆេះគឺពុំទាន់ដឹងពីមូលហេតុច្បាស់លាស់នៅឡើយទេ ហើយការផ្ទុះឆេះនេះគឺបណ្តាលអោយបនុស្សចំនួន៤នាក់រងរបួសធ្ងន់ត្រូវបានទូកនេសាទជួយសង្គ្រោះ និងបាត់ខ្លួនចំនួន០២នាក់ ។

អ្នកដែលបាត់ខ្លួនទី១-លោកវរនាវីឯក សុខ រស្មី ទី២-ឈ្មោះ ភ័ក្រ្ត ។

ភ្លាមៗនោះផងដែរ ឯកឧត្តម ឧត្តមនាវីឯក អ៊ុក សីហា បាននញ្ជាកម្លាំងកងទ័ពជើងទឹកមូលដ្ឋានសមុទ្រ និងនាវា៣គ្រឿង រួមជាមួយអូប័រ០១គ្រឿង ព្រមទាំងទូក០១គ្រឿង ។

លោកឧកញ៉ា ទៀ វិចិត្រ ក៏បានបញ្ចេញអូប័រចំនួន០២ គ្រឿង ដើម្បីស្វែងរកអ្នកបាត់ខ្លួនផងដែរ។

សូមបញ្ជាក់ផងដែរគិតមកដល់ម៉ោង២០និង២០នាទីយប់ថ្ងៃទី០៥ខែមេសាឆ្នាំ២០២១នេះដដែលប្រតិបត្តិការស្វែងរកអ្នកដែលបានបាត់ខ្លួននោះគឺពុំទាន់បានរកឃើញនៅឡើយនោះទេ៕