ភ្នំពេញ៖ តារាវ័យក្មេងរូបស្រស់គួរឲ្យស្រលាញ់ រ៉េត ស៊ូហ្សាណា បានក្តោបយកនូវ តំណែងជាច្រើន ក្នុងវិស័យសិល្បៈរួមទាំងការច្រៀង ការសម្តែង ថតស្ពតពាណិជ្ជកម្ម លើសពីនេះ តារារូបស្រស់នេះ បានក្តោបយកតំណែងជាអ្នកតំណាងផលិតផលធំៗ និងតម្លៃ ខ្លួនក៏មិនទាបដែរ ។
ការទទួលបានជោគជ័យខ្លាំងក្នុងវិថីសិល្បៈរយៈពេលតែប៉ុន្មានឆ្នាំសោះ របស់កញ្ញា រ៉េត ស៊ូហ្សាណា ក៏ដោយសារតែអ្នកនាងមានទេព្យកោសល្យសិល្បៈខ្លាំង រួមជាមួយ នឹងរួបសម្រស់វ័យក្មេងដ៏ស្រស់ស្អាតរបស់អ្នកនាង ពិតជាធ្វើឲ្យមហាជនចាប់ អារម្មណ៍មិនតិចនោះទេ ដែលធ្វើឲ្យម្ចាស់ក្រុមហ៊ុនផលិតផលធំៗ សម្លឹងមើលនាង ចង់បានរូបនាងធ្វើជាតំណាងផលិតផលទៀតផង ។
បើតាមប្រភពព័ត៌មានខ្លះដែលបានបង្ហើបឲ្យដឹង កញ្ញា រ៉េត ស៊ូហ្សាណា ដោយសារ តែអ្នកនាងកំពុងកើបនូវប្រាក់ចំណូលបានយ៉ាងងាយស្រួលនោះពីអាជីពរបស់អ្នក នាង ថ្មីនេះគេឃើញកញ្ញា រ៉េត ស៊ូហ្សាណា មានផ្ទះតម្លៃរាប់សែនដុល្លារ និងមុខរប ផ្ទាល់ខ្លួន តាមរយៈកម្លាំងញើសឈាមរបស់អ្នកនាងទៀតផង ។
ដោយឡែកពាក់ព័ន្ធនឹងបញ្ហាបេះដូងវិញ គេសង្កេតឃើញថា តារាវ័យក្មេងសម្រស់ ស្រស់ស្អាតរូបនេះ ហាក់ព្រងើយកន្តើយ មិនចាប់អារម្មណ៍ នឹងអ្នកមួយចំនួនដែល អន្ទះសារចង់បានបេះដូងរបស់អ្នកនាងនោះឡើយ ។ ពីព្រោះមិនមែនតែពេល បច្ចុប្បន្ននេះទេ ចាប់តាំងពីអ្នកនាងប្រឡូកចូលក្នុងវិថីសិល្បៈគ្រាដំបូងមកកញ្ញ៉ា រ៉េត ស៊ូហ្សាណា មិនខ្វល់ខ្វាយរឿងស្នេហាទេ ៕
