ខេត្តបន្ទាយមានជ័យ ៖ មន្ត្រីជំនាញថា សត្វជ្រូករស់ដែលទើបចាប់បាន១លើកទៀត នៅខេត្តបន្ទាយមានជ័យ ក្រោយពេលធ្វើតេស្តឈាមលទ្ធផលគឺ វិជ្ជមានជម្ងឺប៉េស្តជ្រូកអាហ្វ្រិច(ASF)។
នេះបើយោងតាមលទ្ធផលមន្ទីរពិសោធន៍ វីរុសសាស្ត្រនៃវិទ្យាល័យជាតិ ស្រាវជ្រាវសុខភាពសត្វនិងផលិតកម្មសត្វ របស់អគ្គនាយកដ្ឋានផលិតកម្មសត្វ និងសុខភាពពសត្វ នៃក្រសួងកសិកម្មចេញ ចេញនាថ្ងៃទី១ ខែមេសា ឆ្នាំ២០២១ លើសំណាកឈាមជ្រូករស់ចំនួន៣៨ក្បាល ដែលសមត្ថកិច្ចចាប់នៅព្រំដែនកម្ពុជា ថៃ នា ខេត្តបន្ទាយមានជ័យ កាលពីរសៀល ថ្ងៃទី៣០ខែមីនាឆ្នាំ២០២១។
ការនាំចូលសត្វជ្រូកនេះដោយមិនមានលិខិតអនុញ្ញាត មិនមានលិខិតបញ្ជាក់សុខភាពសត្វឡើយ។
ម្ចាស់សត្វជ្រូកទាំង២ មធ្យោបាយត្រូវធ្វើកិច្ចសន្យា មិនអោយមានការប្រព្រឹត្តល្មើសជាលើកទី២ទៀត។ ពុំនោះទេនឹងរងផាកពិន័យ ជាប្រាក់បន្ថែម ហើយកសាងសំណុំរឿងទៅផ្តន្ទាទោសផងដែរ៕
