បង់ក្លាដែស ៖ ក្រុមជ្រុលនិយមចំនួន ១៤ នាក់ ត្រូវបានកាត់ទោសប្រហារជីវិតនៅក្នុងប្រទេសបង់ក្លាដែស ពីបទប៉ុនប៉ងធ្វើឃាតលោកស្រីនាយករដ្ឋមន្ត្រី Sheikh Hasina កាលពីជាងពីរទសវត្សរ៍មុន។ នេះបើយោងតាមការចុះផ្សាយរបស់សារព័ត៌មានCNA នៅថ្ងៃទី២៤ ខែមីនា ឆ្នាំ២០២១។
ការបំផ្ទុះគ្រាប់បែកឆ្នាំ ២០០០ គឺជាការប៉ុនប៉ងមួយ ក្នុងចំណោមការប៉ុនប៉ងជាច្រើន ដើម្បីសំលាប់លោកស្រី Hasina នៅក្នុងរលកអំពើហឹង្សាដោយក្រុមជ្រុលនិយម ដែលខឹងនឹងលោកស្រីនាពេលនោះ។ ក្រុមជ្រុលនិយមជាង ១០០ នាក់ ត្រូវបានសម្លាប់នៅក្នុងការវាយឆ្មក់របស់ប៉ូលីស និងក្រុមសកម្មប្រយុទ្ធដែលត្រូវបានសង្ស័យជាង ១០០០ នាក់ត្រូវបានចាប់ខ្លួន។
តុលាការបានកាត់ទោសប្រហារជីវិតដល់ជនជាប់ចោទទាំង ១៤ នាក់ ដែល ៥ នាក់ ក្នុងចំណោមពួកគេមិនបានបំពេញលក្ខខណ្ឌ បន្ទាប់ពីពួកគេត្រូវបានរកឃើញថា មានពិរុទ្ធភាពពីបទញុះញង់ និងការសមគំនិតឧក្រិដ្ឋ។ ពួកគេបានបង្កប់គ្រាប់បែកចំនួនពីរ នៅក្នុងមូលដ្ឋាននៃមហាវិទ្យាល័យមួយ ជាកន្លែងដែលលោកស្រី Hasina នឹងត្រូវថ្លែងសន្ទរកថាទៅកាន់បាតុកម្មមួយ៕
