ភ្នំពេញ ៖ បុរសម្នាក់បានបេីករថយន្តក្នុងល្បឿនលឿន និងវ៉ាជែងមិនប្រយ័ត្នជ្រុលចង្កូតទៅបុករបាំងថ្មពុះចែកទ្រូងផ្លូវពេញទំហឹងបណ្ដាលឲ្យ តៃកុងទាំងអ្នករួមដំណេីររងរបួសស្រាល ។ វេលាម៉ោង១១ និង៤០នាទីយប់ថ្ងៃ ទី១៦ ខែមីនា ឆ្នាំ ២០២១ នៅចំណុចមុខរោងចក្រអគ្គិសនីកម្ពុជា ទី២ តាមបណ្ដោយផ្លូវជាតិលេខ២ ក្នុងសង្កាត់ចាក់អង្រែលេី ខណ្ឌមានជ័យ រាជធានីភ្នំពេញ ។
តាមប្រភពពីកន្លែងកេីតហេតុបានឲ្យដឹងថា ដំបូង ឡើយមានរថយន្ត LEXUS GS300 បេីកបរ ដោយបុរសម្នាក់ និងអ្នករួមដំណេីរបុរសម្នាក់ ទៀតធ្វេីដំណេីរតាមបណ្ដោយផ្លូវជាតិលេខ២ ក្នុងទិសដៅពីត្បូងទៅជេីងក្នុងល្បឿនលឿន ខណៈមកដល់ចំណុចកេីតហេតុខាងលើតៃកុងបានបើកវ៉ាជែងនិងម៉ូតូ ក៏ជ្រុលចង្កូតមកឆ្វេងដៃបុក របាំងថ្មពុះចែកទ្រូងផ្លូវចំពីមុខពេញទំហឹងបាក់បែករបាំងថ្មបន្តិចបន្ទួច និងបណ្ដាលឲ្យរថយន្តខ្ទេចផ្នែកខាងមុខបែកម៉ាសុីនហូរប្រេងពេញផ្លូវស្ទេីតែទាំងស្រុង រីឯអ្នកបេីកបរនិងអ្នកដំណេីររងរបួសរយ៉ះខ្លួនប្រាណតិចតួចតែត្រូវបានបញ្ចូនទៅកាន់មន្ទីរពេទ្យដេីម្បីលាង របួសផងដែរ ។
រថយន្តបង្កម៉ាកLexusGS300 ពណ៌ត្រីអ៊ី ពាក់ផ្លាកលេខខេមរភូមិន្ទ08.2.3480រងរបួសស្រាលទាំងពីនាក់។
ក្រោយកេីតហេតុ សមត្ថកិច្ចមូលដ្ឋានបានមកដល់ រួចទាក់ទងទៅខាងជំនាញចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ ឲ្យមកធ្វេីការវាស់វែងយករថយន្តបង្កទៅរក្សាទុក ដេីម្បីរងចាំដោះស្រាយគ្នាតាមច្បាប់ពេលក្រោយ៕
