ពោធិ៍សាត់ ៖ នគរបាលឃាត់ខ្លួនយុវជនម្នាក់ពាក់ព័ន្ធករណីហឹង្សាក្នុងគ្រួសារ ដោយកាប់បំផ្លិចបំផ្លាញទ្រព្យសម្បត្តិក្នុងផ្ទះ នៅចំណុចភូមិដូងជ្រុំ ឃុំបឹងបត់កណ្តោល ស្រុកបាកាន ខេត្តពោធិ៍សាត់។
ករណីហិង្សានេះ បង្កឡើងដោយឈ្មោះសែត កុសល ភេទប្រុស អាយុ១៦ឆ្នាំ រស់នៅភូមិឃុំខាងលើ។
ជនរងគ្រោះបានឲ្យដឹងថា មុនពេលកើតហេតុ ជនសង្ស័យបានចេញពីផ្ទះទៅ លេងបាល់ ក្រោយពីគេលេងបាល់ចប់ ក៏ត្រឡប់មកផ្ទះវិញទំនងលេងបាល់មិនទាន់អស់ចិត្ត ជនសង្ស័យ មកដល់ផ្ទះ ក៏សុំទូរស័ព្ទពីម្តាយយកមកលេងម្តង តែគាត់ជាម្តាយមិនអោយលេងជនសង្ស័យខឹងម្តាយយ៉ាងខ្លាំង ហើយក៏រត់ឡើងទៅលើផ្ទះបិទភ្លើង រួចបោកចាន បោកឆ្នាំង បោកកង្ហារនិង យកកូនកាំបិតវះកាត់រហែកមុងភួយ ព្រមទាំងបំផ្លិច បំផ្លាញទ្រព្យសម្បត្តិក្នុងផ្ទះអស់មួយចំនួនធំទៀត ធ្វើឲ្យរូបគាត់ជាម្តាយទ្រាំលែងបានក៍ប្តឹងសមត្ថកិច្ចឲ្យជួយអន្តរាគមន៍ ចុះដល់កន្លែងកើតហេតុ ចាប់ជនសង្យ័យយកមកប៉ុស្តិ៍នគរបាលរដ្ឋបាលបឹងបត់កណ្តោលដើម្បី សួរនាំ និងចាត់ការតាមវិធានការរដ្ឋបាល ៕
