ប្រទេសថៃ : លោក Daeng Itthiphat គឺជាតារាសម្តែងជើងចាស់មានទេពកោសល្យមួយរូបនៅក្នុងឧស្សាហកម្មកម្សាន្តថៃបានទទួលមរណភាពហើយកាលពីព្រឹកថ្ងៃទី១៣ ខែមីនា ឆ្នាំ២០២១។ នេះបើយោងតាមការចុះផ្សាយរបស់សារព័ត៌មានថៃ daily news ។
ជាមួយគ្នានេះកូនប្រុសរបស់តារាសម្តែងជើងចាស់រូបនេះក៏បង្ហាញការកាន់ទុក្ខ នឹងប្រាប់ទៅសារធាណជននៅលើបណ្តាញសង្គមពីការបាត់បង់ឪពុកជាទីស្រឡាញ់ផងដែរ។ ហើយសពនឹងត្រូវបូជានៅថ្ងៃទី១៧ ខែមីនា វេលាម៉ោង២រសៀល។ ចំពោះមរណភាពលើតារាសម្តែងជើងចាស់រូបនេះក៏បានធ្វើឱ្យអ្នកសិល្បៈជាច្រើនមានការសោកស្តាយយ៉ាងខ្លាំង។
គួរបញ្ជាក់ផងដែរថា លោក Daeng Itthiphat បានបង្ហាញសមត្ថភាពនៅក្នុងការសម្តែងរឿងជាច្រើននាពេលកន្លងមក។ ហើយរឿងចុងក្រោយដែលលោកបានសម្តែងគឺរឿង «Kamnan Ying »៕
