ខេត្តរតនគិរី ៖ ពិតជាអន់ជាងសត្វតិរិច្ឆានមែន បុរសម្នាក់ បានចាប់រំលោភ កុមារី២នាក់បងប្អូន ម្នាក់ មានអាយុ៨ឆ្នាំនិងម្នាក់ទៀត អាយុ៩ឆ្នាំ ប្រមាណជា១០ដងរួចហើយ ចុងក្រោយ ត្រូវសមត្ថកិច្ចចាប់វាយខ្នោះ កសាងសំណុំរឿង ដើម្បីបញ្ជូនទៅតុលាការ។
កម្លាំងអធិការក្រុងបានលុង សហការជាមួយអធិការស្រុកលំផាត់ កាលពីល្ងាច ថ្ងៃទី១២ ខែមីនា ឆ្នាំ២០២១ បានឃាត់ខ្លួនជនសង្ស័យម្នាក់ នៅចំណុច ភូមិអុលធំ ឃុំកាឡែង ស្រុកលំផាត់ ខេត្តរតនគិរី។
សមត្ថិច្ចបានអោយដឹងថា ជនសង្ស័យ ឈ្មោះ សាន សុឃីម អាយុ៣៨ឆ្នាំ មានទីលំនៅភូមិ២(វីឡាកាត់) សង្កាត់កាចាញ ក្រុងបានលុង ខេត្តរតនគិរី មុខរបរកម្មករ។ ចំណែកក្មេងស្រីរងគ្រោះ ២នាក់បងប្អូនមានឈ្មោះ ថ.ហ អាយុ ៩ឆ្នាំ ជនជាតិខ្មែរ និងប្អូនមានឈ្មោះ ថ.សរ អាយុ ៨ឆ្នាំ។
យោងតាមការឲ្យដឹងពីលោកវរៈសេនីយ៍ត្រី សួន សាវុធ នាយប៉ុស្តិ៍រដ្ឋបាលសង្កាត់កាចាញ នៅព្រឹកថ្ងៃទី១៣ ខែមីនា ឆ្នាំ២០២១ថា មុននឹងឈានដល់ការឃាត់ខ្លួន ជនសង្ស័យព្រមទាំងប្រពន្ធ បានទៅស៊ីឈ្នួលដកដំឡូងឱ្យគេ នៅចំណុចឃាត់ខ្លួនខាងលើ ហើយក៏បានឲ្យម្ដាយមីងនាំកុមារីទាំង២នាក់ មកផ្ទះមុន គ្រាដែលដើរមកផ្ទះស្រាប់តែឃើញកុមារីទាំងពីរដើរមានសភាពលំបាក ម្ដាយមីងក៏សួរទៅក្មេងទាំងពីរ វាមិនប្រាប់ទេ លុះម្ដាយមីងជំរិតសួរខ្លាំងទើបក្មេងទាំងពីរប្រាប់ថាឪពុករំលោភ ក្រោយពីដឹងថាឪពុករំលោភ ម្ដាយមីងក៏ទូរស័ព្ទរាយការមកលោកនាយប៉ុស្ដិ៍កាចាញ លោកនាយប៉ុស្ដិ៍ក៏ឲ្យនាំក្មេងមកប៉ុស្ដិ៍ លុះនាំក្មេងឲ្យពេទ្យពិនិត្យ ឃើញថា កុមារីទាំងពីរនាក់ ពិតជាត្រូវគេរំលោភពិតប្រាកដមែន។ ហើយក៏រាយការមកលោកអធិការក្រុង ស្អែកឡើង រៀបចំកម្លាំងចុះទៅឃាត់ខ្លួនជនសង្ស័យនៅចំណុចខាងលើតែម្ដង។
លោកនាយប៉ុស្ដិ៍បានបញ្ជាក់ថា កុមារីពីនាក់បងប្អូន ត្រូវឪពុកចុងរំលោភ ១០ដងមកហើយ គីរំលោភនៅផ្ទះ និងកន្លែងស៊ីឈ្នួលដកដំឡូង ឆ្លៀតពេលដែលម្ដាយកុមារីទាំងពីរនាក់មិននៅ។ លោកនាយប៉ុស្ដិ៍បានបន្ថែមថា តាមម្ដាយក្មេងស្រីរងគ្រោះប្រាប់ថា ជារើយៗ ពេលឪពុកទៅណាងែងតែនាំក្មេងស្រីទាំងពីរតាមរហូត។
បច្ចុប្បន្នជនសង្ស័យកំពុងឃាត់ ខ្លួនបណ្តោះអាសន្ននៅអធិការក្រុងបានលុង ដើម្បីសហការជាមួយការិយាល័យប្រឆាំងការជួញដូរមនុស្ស និងការពារអនិតិជន កសាងសំណុំរឿងបញ្ជូនទៅសាលាដំបូងខេត្ត៕
