ភ្នំពេញ ៖ មានករណីចោរ បានចូលលួចម៉ូតូ ទៅបាត់ដោយសុវត្ថិភាព នៅក្នុងរោងចក្រក្រឡុងស៊ីម៉ង់ត៍ អែស ស៊ី ជី(S C G) ទាំងព្រឹកព្រលឹម ថ្ងៃទី១០ ខែមីនាឆ្នាំ២០២១ ស្ថិតនៅក្នុងភូមិរទាំង សង្កាត់ព្រែកកំពឹស ខណ្ឌដង្កោ រាជធានីភ្នំពេញ។
ជនរងគ្រោះបានឲ្យដឹងថា ម៉ូតូរបស់ខ្លួនដែលលោកចោលួចយកទៅបាត់នោះម៉ាកហុងដាឌ្រីម ពណ៌ត្នោត សេរីឆ្នាំ២០១២ពាក់ស្លាកលេខ ភ្នំពេញ1BM.8703 ។
ជនរងគ្រោះបានបន្ដថា នៅមុនពេលកើតហេតុ ជនរងគ្រោះបានយកម៉ូតូទុកនឹងចាក់សោរត្រឹមត្រូវនៅក្នុងរោងចក្រក្រឡុកស៊ីម៉ង់ត៍ អែស ស៊ី ជី(S C G) ដែលមានទីតាំងស្ថិតនៅក្នុងភូមិរទាំង សង្កាត់ព្រែកកំពឹស ខណ្ឌដង្កោ រាជធានីភ្នំពេញ ពេលនោះជនរងគ្រោះបានបើកឡានក្រឡុកស៊ីម៉ង់ចេញទៅចាក់ឲ្យភ្ញៀវ លុះត្រឡប់មកវិញ ដើរទៅរកម៉ូតូស្រាប់តែមិនឃើញ ក៏បានសួរលោកសន្ដិសុខដែលយាមនៅទីនោះបែរជាថាមិនដឹង ទើបដឹងថាលោកបងចោចូលលួចយកទៅបាត់ដោយសុវត្ថិភាព។
បច្ចុប្បន្នជនរងគ្រោះបានដាក់ពាក្យបណ្ដឹងនៅប៉ុស្ដិ៍នគរបាលរដ្ឋបាលព្រែកកំពឹសរួចរាល់ហើយ៕
