ភ្នំពេញ ៖ នគរបាលខណ្ឌឬស្សីកែវបង្រ្កាបជាក់ស្ដែងករណីជួញដូរដោយខុសច្បាប់នូវសារធាតុញៀនឃាត់ខ្លួនជនសង្ស័យ៣នាក់រួមទាំងថ្នាំពណ៌សថ្លាសង្ស័យជាគ្រឿងញៀន១៣កញ្ចប់។
ហេតុការណ៍នេះ បានកេីតឡេីងកាលពី វេលា ម៉ោង ៦និង៤០នាទីល្ងាចថ្ងៃទី០៤ ខែមីនា ឆ្នាំ២០២១ ត្រង់ចំណុចផ្លូវលេខ៥ ភូមិលូ សង្កាត់ស្វាយប៉ាក ខណ្ឌឫស្សីកែវរាជធានីភ្នំពេញ។
សមត្ថកិច្ចឲ្យដឹងថា ជាលទ្ធផលកំលាំងជំនាញខណ្ឌបានធ្វើការឃាត់ខ្លួនជនសង្ស័យចំនួន០៣នាក់ទី១ឈ្មោះ រេះ សូហ្វី ភេទ ប្រុស អាយុ ២៧ឆ្នាំ ជនជាតិ ខ្មែរអុីស្លាម មានទីលំនៅផ្ទះគ្មានលេខ ភូមិដើមអំពិល សង្កាត់ច្រាំងចំរេះ១ ខណ្ឌឬស្សីកែវ រាជធានីភ្នំពេញ មុខរបរមិនពិតប្រាកដ។ ទី២ឈ្មោះ សារ៉េត រូវី ភេទ ប្រុស អាយុ៣១ ឆ្នាំ ជនជាតិ ខ្មែរអុីស្លាម មានទីលំនៅ សង្កាត់ច្រាំងចំរេះ១ ខណ្ឌឬស្សីកែវ រាជធានី។ មុខរបរមិនពិតប្រាកដ។ ទី៣ឈ្មោះ លី រ៉ាហ្វីន ភេទ ប្រុស អាយុ៣១ ឆ្នាំ ជនជាតិខ្មែរអុីស្លាម មានទីលំនៅ ផ្ទះលេខ៦៥៧ ក្រុម១ ភូមិ១ សង្កាត់ច្រាំងចំរេះ១ ខណ្ឌឬស្សីកែវ រាជធានី។មុខរបរ លក់ដូរ។
សម្ភារ:ដែលសមត្ថកិច្ចដកហូតមាន ក្រាមពណ៌សថ្លាសង្ស័យជាគ្រឿងញៀនចំនួន ១៣ កញ្ចប់ ជារបស់ជនសង្ស័យឈ្មោះ សារ៉េត រូវី។ រថយន្តមួយគ្រឿងម៉ាកវីស្តូ ពណ៌ក្រហម ពាក់ផ្លាកលេខ ភ្នំពេញ 2T-3073។
ក្រោយឃាត់ខ្លួនជនសង្ស័យត្រូវបានកំលាំងជំនាញខណ្ឌកសាងសំណុំរឿងបញ្ជូនទៅសាលាដំបូងរាជធានីភ្នំពេញដើម្បីអនុវត្តតាមនីតិវិធី៕
