ពោធិ៍សាត់៖ មានករណីគ្រោះថ្នាក់ចរាចរណ៍២កន្លែងផ្សេងគ្នា បណ្តាលឲ្យមនុស្សម្នាក់ រងរបួសធ្ងន់ និងខូចខាតរថយន្ត១គ្រឿងនិងម៉ូតូ១គ្រឿង បង្កឲ្យមានការភ្ញាក់ផ្អើលដល់ប្រជាពលរដ្ឋនិងសមត្ថកិច្ចចុះពិនិត្យដល់កន្លែងកើតហេតុ កាលពីថ្ងៃទី៤ ខែមីនា ឆ្នាំ២០២១។
ករណីគ្រោះថ្នាក់ចរាចរណ៍ទី១៖កើតឡើងនៅវេលាម៉ោង៥និង៤២នាទីនៅលើផ្លូវក្រាលកៅស៊ូស្ថិតក្នុងភូមិព្រះចំបក់ឃុំត្រពាំងជងស្រុកបាកានខេត្តពោធិ៍សាត់មានម៉ូតូម៉ាកសេ125 ស៊េរី2016 ពខ្មៅពាក់ផ្លាកលេខពោធិ៍សាត់1G-0254 ទិសដៅ ពីជើងទៅត្បូងបើកបរដោយឈ្មោះកាន់គៀនភេទប្រុសអាយុ៣៤ឆ្នាំរស់នៅភូមិបាកានឃុំត្រពាំងជងលុះមកដល់ចំណុចខាងលើបានគេចលូសុវត្ថិភាពជ្រុលចូលទៅបុករថយន្តម៉ាកហុីយុិនដាយពណ៌សពាក់ផ្លាកលេ ភ្នំពេញ3E-2247មកពីជើងទៅត្បូងបណ្តាលឲ្យអ្នកបើកម៉ូតូរងរបួសបាក់ជើងខាងឆ្វេងធ្ងន់ចំពោះអ្នកបើកបររថយន្តបានគេចខ្លួនបាត់។
រីឯជនរងគ្រោះបញ្ជូនទៅមន្ទីរពេទ្យបង្អែកស្រុកបាកានចំពោះរថយន្តនិងម៉ូតូយើងបានយកមករក្សាទុកនៅប៉ុស្តិ៍នគរបាលរដ្ឋបាលត្រពាំងជង។
ករណីគ្រោះថ្នាក់ចរាចរណ៍ទី២៖កើតឡើងនៅវេលាម៉ោង៧និង១០នាទីមានករណីគ្រោះថ្នាក់ចរាចរណ៍រថយន្តក្រឡាប់នៅចំណុចលើផ្លូវជាតិលេខ០៥ចន្លោះគីឡូម៉ែត្រលេខ២០៧–២០៨ស្ថិតនៅភូមិព្រៃផ្តៅឃុំបឹងខ្នារស្រុកបាកាន។ បង្កដោយរថយន្តម៉ាកSTERLING ពណ៌សពាក់ផ្លាកលេខភ្នំពេញ3D-0797 បើកបរក្នុងទិសដៅពីកើតទៅលិចដោយឈ្មោះប៊ូសារឿនភេទប្រុសអាយុ៤០ឆ្នាំរស់នៅភូមិព្រៃស្នួលឃុំកក់ស្រុកបរសែតខេត្តកំពង់ស្ពឺលុះបើកបរដល់ចំណុចកើតហេតុខាងលើបានធ្លាក់ផ្លូវបណ្តាលអោយក្រឡាប់មកខាងជើងផ្លូវ(ពុំមានរបួស)។
លោកវរសេនីយ៍ឯកនាងវុធអធិការនគរបាលស្រុកបាកានបានឲ្យដឹងថាករណីគ្រោះថ្នាក់ចរាចរណ៍ទាំងពីរនេះបណ្តាលមកពីកត្តាល្បឿននិងការបើកបរដោយងងុយដេក។
រថយន្តនិងម៉ូតូត្រូវបានយកមករក្សាទុកនៅប៉ុស្តិ៍នគរបាលរដ្ឋបាលត្រពាំងជងដើម្បីចាត់ការទៅតាមនីតិវិធី៕
