ណូ ម័រ បន្តទទួលបានទិន្នផលការងារជាមួយសិល្បៈជាបន្តបន្ទាប់

តារាសម្តែង ចាប់ការងារច្រើនមុខ ណូ ម័រ នៅតែផ្តល់សញ្ញា ថ្មីៗនៅក្នុងទិសដៅសិល្បៈ ។ អ្នកនាងឃើញ បន្តក្តោបយកសិល្បៈច្រើនទម្រង់ ដដែល ទាំងសម្តែង ទាំងពិធីការិនី និងចម្រៀង។ ម្ល៉ោះហើយនៅក្នុងសង្គមសិល្បៈ អ្នកណាក៏ អបអរនាងនៅពេលដែលបានឃើញ ណូ ម័របន្តឈជើងមុតមាំសិល្បៈដូចមុន។
ថ្មីៗនេះ ណូ ម័របានបង្ហាញនូវ ស្នាដៃការងារមួយចំនួន ដូចជា បានសម្តែងបទចម្រៀង មួយបទអោយ សានដេរ ច្រៀងដោយ ជ័យ សុវ៉ាត មានចំណងជើងថា «ប្តីក្រអូនកុំតូចចិត្ត»។ដែលជាបទមនោសញ្ចេតនាកប់ជ្រៅ ហើយពិរោះរណ្តំ។ ក្រៅពីនេះក៏ឃើញ នាងសម្តែង នូវរឿងភាគ អោយប៉ុស្តី៍លេខ៥ ដែលមានចំណងជើងថា «ទឹកនឹងប្រេង» ។ សមិទ្ឋិផលនេះ បានបង្ហាញនូវ សញ្ញា វិជ្ជមានការងារក្នុងសិល្បៈ។
ក្រៅពីទទួលការងារសម្តែង ណូ ម័រនៅតែទទួលបានការងារខាង ផ្នែកពិធីការិនី និងការងារខាងក្រៅផ្សេងទៀត។ បេះដូងនាងពេលនេះ ក្រៅពីជាប់ឈ្មោះជា មេម៉ាយស្រស់ស្អាត មានតែការបំពេញការងារ ខំប្រឹងរកលុយជួយម្តាយ អ្នកផ្ទះ។ ជាងយកបេះដូងគិតគូរឿងស្នេហា អោយដល់បុរសណាផ្សេងទៀត នាំតែរំខានចិត្ត។