ក្នុងសប្តាហ៍ទី៣ ពានរង្វាន់សម្តេចតេជោ ហ៊ុន សែន ម្ចាស់ផ្ទះ២ក្រុម រកបាន៣ពិន្ទុ ខណៈម្ចាស់ផ្ទះ២ក្រុមទៀតបានត្រឹមស្មើ និងចាញ់

ភ្នំពេញ ៖ វគ្គសន្សំពិន្ទុវិលជុំក្នុងពូលថ្នាក់ខេត្ត សប្តាហ៍ទី៣ ពានរង្វាន់ សម្តេចតេជោ ហ៊ុន សែន លើកទី១៥ រដូវកាល ២០២១ ម្ចាស់ផ្ទះ២ក្រុម ធ្វើសម្រេចបាន៣ពិន្ទុបន្ថែម បន្ទាប់ពីបានយកឈ្នះក្រុមភ្ញៀវរៀងៗខ្លួន ខណៈម្ចាស់ផ្ទះ២ក្រុមផ្សេងទៀត បានត្រឹមស្មើ និងចាញ់ ក្រុមភ្ញៀវនៅក្នុងការប្រកួតកាលពី ល្ងាចថ្ងៃទី០២ ខែមីនា ឆ្នាំ២០២១។

ម្ចាស់ផ្ទះ២ក្រុមដែលស្វែងរកបាន៣ពិន្ទុ ក្នុងជំនួបសប្តាហ៍ទី៣នេះ គឺម្ចាស់ផ្ទះ កោះកុង អេហ្វស៊ីបានយកឈ្នះក្រុមភ្ញៀវ មន្ទីរអប់រំយុវជន និងកីឡាខេត្តកំពត ៥ទល់០, ក្រុមម្ចាស់ផ្ទះ សៀមរាប អេហ្វស៊ីបានយកឈ្នះខេត្តឧត្តរមានជ័យដោយលទ្ធផល ២ទល់១ ខណៈម្ចាស់ផ្ទះ មន្ទីរអប់រំយុវជន និងកីឡាខេត្តកំពង់ឆ្នាំងបានត្រឹមស្មើជាមួយភ្នំពេញហ្គាឡាក់ស៊ី ២ទល់២ រីឯម្ចាស់ផ្ទះ ក្រុមសហភាពសហព័ន្ធយុវជនកម្ពុជា ខេត្តបាត់ដំបងប្រកួតចាញ់ ខេត្តមន្ទាយមានជ័យ ដោយលទ្ធផល ០ទល់២។

ឆ្លងកាត់៣ប្រកួត កោះកុងអេហ្វស៊ី កំពុងឈរលើកំពូលតារាងក្នុងពូល-ង បណ្តោះ អាសន្នជាមួយនឹង៧ពិន្ទុ ខណៈ៣ប្រកួតរបស់មន្ទីរអប់រំយុវជន និងកីឡាខេត្តកំពត ចាញ់ទាំង ៣ប្រកួត។ ចំពោះពូល-គ ដែលមាន៣ក្រុម គឺក្រុមសៀមរាបអេហ្វស៊ី, ខេត្តឧត្តរមាន ជ័យ និងកងរាជអាវុធហត្ថខេត្តកំពង់ធំ មាន៣ពិន្ទុស្មើៗគ្នា ដោយពូល-គនេះបានបញ្ចប់ជើងទី១។ មន្ទីរអប់រំយុវជននិងកីឡាខេត្តកំពង់ឆ្នាំង មាន៤ពិន្ទុស្មើជាមួយភ្នំពេញហ្គាឡាក់ស៊ី នៅក្នុង ពូល-ក ខណៈមាន៦ពិន្ទុ និងខេត្តបន្ទាយមានជ័យឡើងមកឈរលើកំពូលតារាងវិញ ជាមួយ នឹង៧ពិន្ទុក្នុងពូល-ខ។

ចំពោះការប្រកួតសន្សំពិន្ទុ ក្នុងសប្តាហ៍ទី៣នេះដែរ ក៏មាន៣ប្រកួតផងដែរ នៅរសៀល ថ្ងៃទី០៣ ខែមីនា ឆ្នាំ២០២១នេះ ដែលជាការជួបគ្នារវាងក្រុមរដ្ឋបាលខេត្តតាកែវប៉ះជាមួយ មន្ទីរអប់រំខេត្តកំពង់ស្ពឺ, ស.ស.យ.ក ខេត្តពោធិ៍សាត់ប៉ះជាមួយសូហ្វីយ៉ាប៉ៃលិន ស្របពេល ដែលអធិរាជដំរីឦសានខេត្តរតនគិរី ជួបសមាគមកីឡាខេត្តព្រះវិហារ៕