កីឡាបរទេស ៖ បើទោះជាកីឡាករ Bruno Fernandes ជាចំណែកខ្វះពុំបានរបស់ ក្រុមUnited ចាប់តាំងពីការផ្ទេរមកចូលរួមនៅខែកុម្ភៈ ឆ្នាំ២០២០ ដែលមានស្ថិតិគ្រាប់បាល់២២គ្រាប់ និងAssist ១៣លើកនៅការបង្ហាញខ្លួន៣៩ ប្រកួតក៍ដោយ ក៍រូបគេមិនអាចឈ្នះពានរង្វាន់ [PFA Player of the Year] បានដែរក្នុងឆ្នាំនេះ។
អតីតជើងចាស់ក្លឹប Man Utd គឺលោក Paul Scholes បានបង្ហាញការកោតសរសើរនិងឥទ្ធិពលរបស់ Bruno Fernandes មកលើក្លឹប Man Utd ប៉ុន្តែបើនិយាយពីពានកីឡាករល្អបំផុតប្រចាំឆ្នាំរដូវកាលនេះ គឺលោកមិនរំពឹងថាកីឡាករព័រទុយហ្គាល់អាចយកបាននោះទេ។
កីឡាករ Bruno Fernandes គេមានអាយុ២៦ឆ្នាំ គេបានក្លាយជាចំណែកខ្វះពុំបានរបស់ United ចាប់តាំងពីការផ្ទេរមកចូលរួមនៅខែកុម្ភៈ ឆ្នាំ២០២០។ ដោយឡែកនៅរដូវកាលនេះក្រុមកំពុងឈរនៅលេខ២ ហើយBruno មានស្ថិតិគ្រាប់បាល់២២គ្រាប់ និងAssist ១៣លើកនៅការបង្ហាញខ្លួន៣៩ ប្រកួត។ យ៉ាងណា Scholes ជឿថាមានតែកីឡាកររបស់ Man City ដែលជាក្រុមរំពឹងឈ្នះពានប៉ុណ្ណោះ ទើបសង្ឃឹមឈ្នះពានកីឡាករល្អបំផុតនោះបាន។
លោកScholes និយាយប្រាប់ Optus Sport ថា៖ “គេបង្កើតគ្រាប់បាល់ បង្កើតឱកាស ត្បិតមិនមែនក្នុងការប្រកួតធំៗតែភាគច្រើនគឺគេធ្វើបាន ដោយជាការពិតគេគួរតែអាចឈ្នះពានរង្វាន់ [PFA Player of the Year] បាន តែខ្ញុំតែងតែមានការជឿជាក់ថា ពាននោះគឺសម្រាប់តែកីឡាករស្ថិតក្នុងក្រុមដែលឈ្នះពានលីគតែប៉ុណ្ណោះ”។លោកសង្កត់ធ្ងន់ថា៖ “ហើយពេលនេះក៏មានកីឡាករ City ដែលមានប្រៀបមួយចំនួនផងដែរ ដែលខ្ញុំមើលឃើញមុនមើលដល់ឈ្មោះរបស់ Brunoនោះ”៕
