ខេត្តបាត់ដំបង ៖ ផ្ទះប្រជាពលរដ្ឋចំនួន៤០ខ្នង ក្នុង៣ឃុំ ប៉ើងដំបូលនិងហោះចេញពីជើងតាង ដោយសារឥទ្ធិពលភ្លៀងលាយឡំខ្យល់កន្ត្រាក់ កាលពីរសៀលថ្ងៃទី០២ ខែមិនា ឆ្នាំ២០២១វេលាម៉ោង១៥និង២០នាទី នៅឃុំចំនួន៣គឺឃុំស្តុកប្រវឹក ឃុំព្រៃត្រឡាច ឃុំមុខរាហ៍ ស្រុក មោងឫស្សី ខេត្តបាត់ដំបង។
អាជ្ញាធរមូលដ្ឋា បានឲ្យដឹងថា ឃុំទាំង ៣ដែលរងឥទ្ធិពលពីខ្យល់កន្ត្រាក់រួមមាន ៖ ១. ឃុំស្តុកប្រវឹករងការខូចខាតរបើកដំបូលផ្ទះចំនួន២២ខ្នងផ្ទះ។ ២. ឃុំព្រៃត្រឡាចរងការខូចខាតរបើកដំបូលផ្ទះចំនួន១៣ខ្នងផ្ទះ។ ៣.ឃុំមុខរាហ៍ រងការខូចខាតរបើកដំបូលផ្ទះចំនួន០៥ខ្នងផ្ទះ និងរោងម៉ាស៊ីនកិនស្រូវ០១ត្រូវបានហោះធ្លាក់ចេញពីជើងតាង។
អាជ្ញាធរបញ្ជាក់ថា ក្នុងហេតុការខាងលើនេះមិនបានបង្កឲ្យមានមនុស្សណាម្នាក់រងគ្រោះថ្នាក់នោះទេហើយបច្ចុប្បន្នសមត្ថកិច្ចនិងអាជ្ញាធរមូលដ្ឋានកំពុងតែជួយធ្វើការជួសជុលជាបណ្តើរៗនឹងធ្វើរបាយការណ៍ជូនថ្នាក់ស្រុកនិងថ្នាក់ខេត្តដើម្បីពិនិត្យនិងជួយដោះស្រាយដល់ពលរដ្ឋនៅពេលក្រោយតាមតែអាចធ្វើទៅបាន៕
