ព្រះសីហនុ ៖ ករណីគ្រោះថ្នាក់ចរាចរណ៍មួយបានកើតឡើង វេលាម៉ោង១៨និង៥០នាទី ថ្ងៃទី២៨ ខែកុម្ភៈ ឆ្នាំ២០២១ នៅលើដងផ្លូវជាតិលេខ៤ ចន្លោះគីឡូម៉ែត្រលេខ ២០៦-២០៧ ស្ថិតក្នុងភូមិស្មាច់ដែង ឃុំ រាម ស្រុកព្រៃនប់ ខេត្តព្រះសីហនុ។
ករណីគ្រោះថ្នាក់ចរាចរណ៍កើតឡើង រវាងម៉ូតូ០១គ្រឿង ម៉ាកសង់ C១២៥ ពណ៌ខ្មៅ ពាក់ស្លកលេខ កណ្តាល ១AE-៣៧២៦ ក្នុងទិសដៅភ្នំពេញ-ព្រះសីហនុ និងរថយន្តចំនួន០៣គ្រឿង រថយន្តម៉ាក Luxis RX៣០០ ពណ៌ទឹកមាស ពាក់ស្លាកលេខ ភ្នំពេញ២J-១៧៦០ ទឹសដៅ ព្រះសីហនុ-ភ្នំពេញ អ្នកបើកបរឈ្មោះ ហេង រ៉ាវិន ភេទប្រុស អាយុ២៦ឆ្នាំ មានទីលំនៅភូមិ៣ សង្កាត់៣ ក្រុង/ខេត្តព្រះសីហនុ។
រថយន្តម៉ាក Luxis RX៣០០ ពណ៌ទឹកមាស ពាក់ស្លាកលេខ ភ្នំពេញ២Q-៧១៣៥ ទិសដៅព្រះសីហនុ-ភ្នំពេញ អ្នកបើកបរឈ្មោះ យិន សេរី ភេទប្រុស អាយុ៣៣ឆ្នាំ មានទីលំនៅភូមិវាលមាស ឃុំវាលរេញ ស្រុកព្រៃនប់ ខេត្តព្រះសីហនុ។
រថយន្តម៉ាក Esusu ពណ៌ប្រផេះ ពាក់ស្លាកលេខ ចង្កូតស្តាំ PSHN-២២៨៧ ទិសដៅ ភ្នំពេព-ព្រះសីហនុ អ្នកបើកបរឈ្មោះ គីម វ៉ែន ភេទប្រុស អាយុ៤៨ឆ្នាំ មានទីលំនៅភូមិព្រៃនប់៣ ឃុំព្រៃនប់ ស្រុកព្រៃនប់ ខេត្តព្រះសីហនុ។
ហេតុការណ៍ខាងលើបណ្តាលអោយភាគីខាងម៉ូតូចំនួន ០២នាក់រងរបួស ÷
១/ឈ្មោះ ចំរើន ម៉េងឈុន ភេទប្រុស ១៥ឆ្នាំ មុខរបរជាងថតរូប មានទីលំនៅភូមិស្មាច់ដែង ឃុំរាម ស្រុកព្រៃនប់ ខេត្តព្រះសីហនុ (របួសធ្ងន់)។
២/ឈ្មោះ ហុង តុលា ភេទប្រុស អាយុ៣២ឆ្នាំ មុខរបរជាងថតរូប មានទីលំនៅភូមិស្មាច់ដែង ឃុំរាម ស្រុកព្រៃនប់ ខេត្តព្រះសីហនុ (របួសធ្ងន់)។
បច្ចុប្បន្ន ជនរងគ្រោះត្រូវបានបញ្ជូនទៅសង្គ្រោះនៅមន្ទីពេទ្យបង្អែកខេត្តព្រះសីហនុ រីឯវត្ថុតាងខាងលើត្រូវបានយកទៅរក្សាទុកនៅអធិការដ្ឋាននគរបាលស្រុកព្រៃនប់បន្តនិតិវិធីច្បាប់ ៕
