នៅទីបំផុត រថយន្តសេរីទំនើបដ៍ស្រស់ប្រណិតមួយគ្រឿងបានផុសឡើងពិតៗដល់ដៃ ម្ចាស់ឈ្នះរង្វាន់ ក្រោយពេលបំពេញឱកាសឈ្នះកន្លងទៅ។ នេះជាការបង្ហាញស្តែងៗតែម្តង ដោយសារមិនមានការលាក់បាំងអ្វីទៀតនេះទេ។ចំណែក អ្នកដែលត្រូវជាម្ចាស់កម្មសិទ្ឋិ មិនដឹងថាអររំភើបកម្រិតណានោះឡើយ។
រថយន្តទំនើប Audi Q7 ត្រូវបានលោកជំទាវ ហ៊ឹម សុភ័ក្ត្រ អគ្គនាយិកាក្រុមហ៊ុនគ្រួសារកក់ក្តៅ អមដំណើរដោយថ្នាក់ដឹកនាំកំពូលក្រុមហ៊ុនគ្រួសារកក់ក្តៅ បាននាំយកទៅប្រគល់ជូនអ្នកឈ្នះរង្វាន់ដោយផ្ទាល់ នៅផ្ទះរបស់លោកស្រី ឆូយ ទុំ (Oun Pov Real) ស្ថិតនៅក្នុងភូមិតាងួន២ សង្កាត់កាកាប១ ខ័ណ្ឌពោធិសែនជ័យ រាជធានីភ្នំពេញ ដោយមានវត្តមានរបស់លោក ហ៊ិន វីរៈ មេភូមិតាងួន២ អញ្ជើញចូលរួមជាកិត្តិយស និងជាសក្ខីភាពចំពោះការផ្តល់ជូនរង្វាន់ពិតៗនេះពីក្រុមហ៊ុនគ្រួសារកក់ក្តៅ។
ការប្រគល់ជូននូវរង្វាន់នេះពិតជាបានបង្កឲ្យមានការភ្ញាក់ផ្អើល ដល់ប្រជាពលរដ្ឋដែលរស់នៅក្នុងភូមិតាងួន២ ព្រមទាំងសាច់ញាតិ អ្នករស់នៅជិតខាង មិត្តភក្តិរបស់អ្នកឈ្នះរង្វាន់ ហើយបានលាន់មាត់សរសើរនូវភ័ព្វសំណាងរបស់ លោកស្រី ឆូយ ទុំ (Oun Pov Real) ដែលមានសំណាងបានឈ្នះរង្វាន់រថយន្តទំនើប Audi Q7 នាពេលនេះ ហើយទាំងអស់គ្នាក៏ជឿជាក់ថាក្រុមហ៊ុនគ្រួសារកក់ក្តៅពិតជាចែករង្វាន់ពិតៗ ជូនដល់តំណាងចែកចាយ និងអតិថិជនគ្រួសារកក់ក្តៅប្រាកដមែន។
គ្រួសារកក់ក្តៅ មិនត្រឹមតែផ្តោតលើការងារ ជំនួញនោះទេ តែក៏បានជួយផ្តល់ការផ្តល់លក្ខណៈជំនួយផ្សេងៗដល់ បណ្តាការងារសង្គម មនុស្សធម៌រាប់មិនអស់ និងមិនចេះជិនណាយឡើយ។ ដូចនេះហើយទើបក្រុមហ៊ុន គ្រួសារកក់ក្តៅ រមែងបានការសរសើរពីសំណាក់មហាជនគ្រប់ទិសទី។
