ញាក់សាច់៖ ចាប់ខ្លួនស្ដ្រីវ័យក្មេងម្នាក់ នៅខណ្ឌដង្កោ ករណីជួញដូរគ្រឿងញៀនយ៉ាងច្រើនសន្ធឹកសន្ទាប់!

(ភ្នំពេញ)៖ ស្ដ្រីវ័យជាង២០ឆ្នាំម្នាក់ ត្រូវបានកម្លាំង កងអាវុធហត្ថខេត្តតាកែវ សហការជាមួយ អាវុធហត្ថ រាជធានីភ្នំពេញ ចាប់ឃាត់ខ្លួន ករណីជួញដូរគ្រឿងញៀនយ៉ាងច្រើន។

ការឃាត់ខ្លួននេះបានធ្វើឡើង នៅចំណុចមុខ(សាលាបឋមសិក្សាពងទឹក) ភូមិពងទឹក សង្កាត់ ពងទឹក ខណ្ឌដង្កោ កាលពីល្ងាចថ្ងៃទី១៨.០២.២០២១។

សមត្ថកិច្ចបានឱ្យដឹងថា៖ ជនសង្ស័យឈ្មោះ ស្រ៊ុន ស្រីមុំ ភេទស្រី អាយុ២៧ឆ្នាំ មុខរបរ មិនពិតប្រាកដ ទីកន្លែងកំណើត ឃុំប្រាសាទ ស្រុកកំពង់ត្របែក ខេត្តព្រៃវែង ។

វត្ថុតាងដកហូតបានរួមមាន៖ ១-ក្រាមពណ៌សថ្លា០២កញ្ចប់ (សង្ស័យថាជាសារធាតុញៀន)
២-ម៉ូតូ០១គ្រឿងម៉ាកBeatពណ៌សលាយខៀវពាក់ស្លាក់លេខភ្នំពេញ 1HX-7292។
៣-ទូរសព្ទ័ដៃ០១គ្រឿងម៉ាកVIVOពណ៍ខ្មៅ ។

ក្រោយពីស្ដាប់ចម្លើយរបស់ជនសង្ស័យរូបនេះ នៅថ្ងៃខែឆ្នាំដដែលវេលាម៉ោង១៨:០០នាទី កម្លាំងសមត្ថកិច្ចចម្រុះ បន្តមកឆែកឆេរផ្ទះជួលរបស់ជនសង្សយ័ឈ្មោះ ស្រ៊ុន ស្រីមុំ នៅបុរីពិភពថ្មី១ ផ្ទះជួលលេខ៥៧Aផ្លូវលេខ១១ភូមិប្រការសង្កាត់ព្រៃស ខណ្ឌដង្កោ រាជធានីភ្នំពេញ។

ដោយរកឃើញវត្ថុតាងរួមមាន
១-ក្រាមពណ៌សថ្លា១៣កញ្ចប់ធំ ។
២-ជញ្ជីងសម្រាប់ថ្លឹងគ្រឿងញៀន០១គ្រឿង ។
៣-ទូរស័ព្ទដៃចំនួន០៥គ្រឿង។

បច្ចុប្បន្ន៖ ជនសង្ស័យរួមទាំងវត្ថុតាងខាងលើត្រូវបានកម្លាំងសមត្ថកិច្ចPM ប្រគល់ជូនកម្លាំងPM
ខេត្តតាកែវដើម្បីចាត់ការបន្តតាមនីតិវិធី៕