តារាជាច្រើនបានបង្ហាញវត្តមានក្នុងពិធី ដាក់សម្ពោធស្ថានីយ៍ទឹកស្អាត និទាន ជាមួយនិងបណ្តា ថ្នាក់ដឹកនាំជាច្រើនទៀត មកជួបជុំគ្នា បង្ហាញភាពត្រេកអរ។ បន្ថែមពីនេះ ក៏ជាឱកាសឡើងគេហដ្ឋានថ្មី របស់ លោកប៊ុត ចាន់ថា និងលោកស្រីឆឹល លក្ខិណា និងមានការចែកអំណោយដល់ ប្រជាពលរដ្ឋប្រមាណ៤០០គ្រួសារ។
កម្មវិធីនេះរៀបចំឡើង កាលពីថ្ងៃទី២១ កុម្ភៈ ឆ្នាំ២០២១ នៅភូមិគ្រឹះខាងលើក្រោមវត្តមានតារាមួយចំនួនដូចជា លោកខេមរៈ សិរីមន្ត និងភរិយា លោកទេព រិនដារ៉ូ អ្នកនាង ចាន់ តារាទី ខាន់ជេម ប៉េង ប៉ោង កុល សុភោរ លីនដា ជ័យ សុវ៉ាត ម៉ៅ ហាជី បាន មុនីលក្ខ័ សុធា ពិសិដ្ឋ លោកសត្យា និងតារាជាច្រើនដួងទៀត។ ឃុំ៣ដែល បានទឹកប្រើប្រាស់នេះ មាន ឃុំពោធអង្រ្កង ទួលអំពិល និងឃុំនិទាន ដែលមាន១៥ភូមិ។
លោកប៊ុត ចាន់ថា បានអោយដឹងថា ក្រៅពី មានសេវាប្រើប្រាស់ទឹកស្អាតនេះ ពលរដ្ឋ ប្រមាណជាច្រើនគ្រួសារអាចនឹងមានរោងចក្រផលិតទឹកកកអនាម័យ ថែមទៀត។ ក្រៅពីនេះក៏មានការត្រៀមជា តំបន់កម្សាន្តទេសចរណ៍ខ្នាតតូច ដល់ប្រជាពលរដ្ឋទីនេះ មានឱកាសអង្គុយលេងជុំវិញបឹងដ៏ធំនៅតំបន់នេះ។ តារាដែលបានចូលរួមក៏សុទ្ឋសឹងតែជា ការរាប់អាន និងនិស្ស័យបានជួបគ្នាហើយ ក៏ទឹកចិត្តដែលលះបងពេលវេលាចូលរួមធ្វើបុណ្យរួមគ្នា។
