ភ្នំពេញ ៖ សម្តេច កិត្តិ ព្រឹទ្ធ បណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា និងជាឥស្សរជនឆ្នើមថ្នាក់ជាតិនៃផែនការសកម្មភាពរួម អគ្គលេខាធិការអង្គការ សហប្រជាជាតិដើម្បីសុខភាពស្រ្តីនិងកុមារ បានផ្ញើសារលិខិត អំពាវនាវ ដល់ សាខា អនុសាខា កាកបាទក្រហមកម្ពុជា និង ក្រុមការងារ ឥស្សរជន ឆ្នើម តាម សាខា កាកបាទក្រហមកម្ពុជា ទាំង ២៥ រាជធានី – ខេត្ត បន្ត យកចិត្តទុកដាក់ ផ្សព្វផ្សាយ ឱ្យបាន កាន់តែ ទូលំទូលាយ ដល់ ស្ត្រី គ្រប់រូប ឱ្យមាន ការយល់ដឹង ខ្ពស់ ពី សារៈប្រយោជន៍ នៃ ការពិនិត្យ ផ្ទៃពោះ និង ការពិនិត្យ សុខភាព ក្រោយ សម្រាល ក្នុងអំឡុងពេល នៃ ការ រាតត្បាត ជាពិសេស ជំងឺ កូ វីដ -១៩។
ក្នុងនាម កាកបាទក្រហម កម្ពុជា និង ក្នុងនាម ឥស្សរជន ឆ្នើម ថ្នាក់ជាតិ នៃ ផែនការ សកម្មភាព រួម អគ្គលេខាធិការ អង្គការសហប្រជាជាតិ ដើម្បី សុខភាព ស្ត្រី និង កុមារ សម្តេច កិត្តិ ព្រឹទ្ធ បណ្ឌិត មាន ក្តី សោមនស្ស ជា ពន្លឹក ដោយបាន ចូលរួម ជាមួយ បង – ប្អូន ជនរួមជាតិ និង ក្មួយៗ យុវជន ទាំងអស់ អបអរសាទរ ទិវា ជាតិ សុខ ភាព មាតា ទារក និង កុមារ ថ្ងៃទី ២១ ខែកុម្ភៈ ឆ្នាំ ២០២១ នាពេលនេះ ។
ថ្វីត្បិតតែ ឆ្នាំ ២០២០ កន្លងទៅ និង រហូត មកទល់ពេលនេះ ប្រទេស យើង មានការ រំខាន ញាំញី ពី មេរោគ កូ វីដ -១៩ មែនពិត ក៏ ប្រជាជន ទាំងអស់ រស់នៅ ជាធម្មតា តាមបែប គន្លង ថ្មី ដោយសារ តែ ប្រទេសជាតិ មាន សន្តិភាព និង ស្ថិរភាព នយោបាយ ។ សន្តិភាព បាន ផ្តល់ឱកាស ឱ្យ កម្ពុជា ទទួល បាន ភាព សុខដុម វឌ្ឍនភាព និង សុវត្ថិភាព សង្គម ។ សម្តេច កិត្តិ ព្រឹទ្ធ បណ្ឌិត សូម សំដែង នូវ ការដឹងគុណ ជា អនេក ចំពោះ ការ នាំមក នូវ សន្តិភាព ជូន មាតុភូមិ និង សូម សំដែង នូវ ការកោតសរសើរ យ៉ាងខ្លាំង ចំពោះ រាជរដ្ឋាភិបាល ក្នុងការ សម្រេចបាន នូវ សមិទ្ធផល ធំធេង ក្នុង ពេលនេះ ។ ជាមួយគ្នានេះ គោលនយោបាយ គាំពារ សង្គម របស់ រាជរដ្ឋាភិបាល បាន ជួយ ដល់ ប្រជាជន ដែល ងាយ រងគ្រោះ ឱ្យទទួល បាន នូវ ការឧបត្ថម្ភ ជីវភាព រស់នៅ ក្នុង កាលៈទេសៈ ដែលមាន ការយាយី រាតត្បាត ដោយ កូ វីដ -១៩ ហើយ គោលនយោបាយ គាំពារ សង្គម ក៏បាន ពង្រឹង និង បន្ត ជួយ ដល់ ក្មួយៗ នារី ទាំងអស់ ដែលមាន ប័ណ្ណ សមធម៌ កម្មការិនី ឱ្យទទួល បាន នូវ អត្ថប្រយោជន៍ ក្នុងការ ថែទាំ សុខភាព ទទួលបាន នូវ ការពិគ្រោះ ពិនិត្យ ព្យាបាល ជំងឺ ទទួល របប ឧបត្ថម្ភ មាតុភាព រួមចំណែក ជួយ ឱ្យ គ្រួសារ នីមួយៗ អាច រស់នៅ ជា ប្រក្រតី ។ ការអនុវត្ត កម្មវិធី ឧបត្ថម្ភ សាច់ប្រាក់ ជូន ស្ត្រី មាន ផ្ទៃពោះ និង កូន អាយុ ក្រោម ពីរ ឆ្នាំ នៃ គ្រួសារ ដែលមាន ប័ណ្ណ សមធម៌ ប័ណ្ណ អាទិភាព ជា យុទ្ធសាស្ត្រ សំខាន់ មួយ របស់ កម្ពុជា ក្នុងការ លើកកម្ពស់ សុខ ភាព មាតា ទារក និង កុមារ ដើម្បី ឈានទៅ សម្រេច បាន នូវ ការ គ្របដណ្តប់ សេវា សុខ ភាពជា សកល នៅ កម្ពុជា ។
ដូចនេះ យើងទាំងអស់គ្នា ត្រូវតែ រួមចំណែក ជួយ រាជរដ្ឋាភិបាល បន្ថែមទៀត ឆ្ពោះទៅ អនាគត ដ៏ រុងរឿង នាពេលខាងមុខ ។ ការងារ ចាំបាច់ ដែល យើង ត្រូវ រួមគ្នា ធ្វើ នោះ គឺ ធ្វើយ៉ាងណា ឱ្យ គ្រប់ ស្ត្រី មាន ផ្ទៃពោះ ទាំងអស់ ទទួលបាន ការ ពិនិត្យ ថែទាំ ចាប់ពី ពេល ពរ ពោះ រហូត ដល់ពេល សម្រាល និង បន្ទាប់ពី សម្រាលកូន ហើយ ត្រូវ បន្ត ថែទាំ សុខភាព ទាំង ម្តាយ ទាំង កូន ក្នុងអំឡុងពេល ១ ខែ កន្លះ និង បន្ត ថែទាំ សុខភាព ទារក រហូតដល់ កូន មាន អាយុ ពីរ ឆ្នាំ ។ ការតាមដាន សុខភាព កូន នេះ មាន សារៈសំខាន់ ណាស់ ។ គ្រប់ ស្ត្រី ជា មាតា ទាំងអស់ ចាំបាច់ ត្រូវ ដឹង ច្បាស់ អំពី ការចិញ្ចឹម ទារក និង កុមារ តូច ការតាមដាន ការលូតលាស់ របស់ កូន , និង ត្រូវ ធ្វើការ ពន្យារកំណើត ពី កូន មួយ ទៅ កូន បន្ទាប់ ផង ដើម្បីឱ្យ មាតា មាន សុខភាព រឹងមាំ ឡើងវិញ ហើយ កូន អាច ទទួលបាន ការថែទាំ ពេញលេញ ពី មាតា និង មាន សុខភាព ល្អ ។ ឆ្លៀត ក្នុងឱកាស ទិវា ជាតិ សុខភាព មាតា ទារក និង កុមារ នេះ សម្តេច កិត្តិ ព្រឹទ្ធ បណ្ឌិត សូម រួមចំណែក ជូន អនុសាសន៍ ក្នុងការ ថែទាំ សុខភាព ម្តាយ និង កូន ក្នុង បរិបទ “ រស់នៅ ធម្មតា តាមបែប គន្លង ថ្មី ” ដូចតទៅ ៖
– សូមឱ្យ ស្ត្រី មាន ផ្ទៃពោះ ទាំងអស់ ទៅពិនិត្យ សុខភាព ពិគ្រោះ យោបល់ ជាមួយ គ្រូ ពេទ្យឆ្មប ជំនាញ នៅ មណ្ឌល សុខភាព ឬ មន្ទីរពេទ្យ ដែល នៅ ជិត ផ្ទះ ឱ្យបាន ទៀងទាត់ ចំនួន ៤ ដង តាម ពេលវេលា និង ការណែនាំ របស់ គ្រូពេទ្យ ទទួលយក សេវា បង្ការ ព្យាបាល ទាំងអស់ ពិសេស ស្ម័គ្រចិត្ត ធ្វើតេស្ត ឈាម រក មេរោគ អេដស៍ / ស្វាយ ដើម្បី រួមគ្នា លុបបំបាត់ ការចម្លង រោគ ពី ម្តាយ ទៅ កូន ។
– ទៅ សម្រាលកូន នៅ មណ្ឌល សុខភាព ឬ មន្ទីរពេទ្យ ដែលមាន គ្រូ ពេទ្យឆ្មប ជំនាញ ទទួល បានការ បណ្តុះបណ្តាល ត្រឹមត្រូវ ។
– ទៅពិនិត្យ សុខភាព ក្រោយពេល សម្រាល ទាំង មាតា ទាំង ទារក យក កូន ទៅ ទទួល ថ្នាំ បង្ការ ជំងឺ ១១ មុខ តាម ពេលវេលា កំណត់ ពិនិត្យ តាមដាន សុខភាព និង ការលូតលាស់ របស់ កូន រហូតដល់ កូន មាន អាយុ ពីរ ឆ្នាំ ។
– បំបៅ ទារក ដោយ ទឹកដោះ ម្តាយ តែមួយ មុខ គត់ ចាប់ពី ពេល ទារក កើត ភ្លាម រហូតដល់ ទារក មាន អាយុ ៦ ខែ និង ផ្តល់ អាហារ បន្ថែម គ្រប់មុខ គ្រប់ ជីវជាតិ ( បបរ ខាប់ គ្រប់គ្រឿង ) រួមជាមួយ ការបន្ត បំបៅ ទឹកដោះ ម្តាយ រហូតដល់ កុមារ មាន អាយុ យ៉ាងតិច ២ ឆ្នាំ ។
– ប្រញាប់ យក ទារក ទៅ មន្ទីរពេទ្យ ភ្លាម នៅពេល ឃើញ សញ្ញា គ្រោះថ្នាក់ ណាមួយ នៃ ជំងឺ រលាក ផ្លូវដង្ហើម ជំងឺរាក ឬ ជំងឺ ផ្សេងទៀត និង យក ទារក ឬ កុមារ តូច ដែលមាន រាងកាយ ស្គម ឬ មិន ឡើង ទម្ងន់ សោះ ទៅ ពិគ្រោះ យោបល់ និង ទទួល ការព្យាបាល នៅ មន្ទីរពេទ្យ ។
– សូមឱ្យ ស្ត្រី មាន ផ្ទៃពោះ ស្ត្រី ជា មាតា ទាំងអស់ អនុវត្ត ឱ្យបាន ខ្ជាប់ខ្ជួន នូវ វិធានការ ការពារ ខ្លួន ដែល បាន ណែនាំ ដោយ សម្តេច អគ្គមហាសេនាបតី តេ ជោ ហ៊ុន សែន នាយក រដ្ឋមន្ត្រី នៃ ព្រះរាជាណាចក្រ កម្ពុជា និង ការណែនាំ នានា របស់ ក្រសួងសុខាភិបាល ដោយ ត្រូវ ៖ ពាក់ ម៉ាស់ លាងដៃ ញឹកញាប់ និង រក្សា គម្លាត សុវត្ថិភាព បុគ្គល ពីមួយ ម៉ែត្រ កន្លះ ឡើង ។ កុំទៅ កន្លែង មនុស្ស ច្រើន កុះករ ច្រើន និង កុំ ប៉ះពាល់ គ្នា នៅពេល ជួបគ្នា កុំ ចាប់ដៃ កុំ នៅ កន្លែង បិទ ជិត គ្មាន ខ្យល់ ចេញចូល ប្រើ ម៉ាស៊ីនត្រជាក់ គ្នា កុំ កៀក ស្មា គ្នា កុំ ឱប គ្នា ជាដើម ។
– សូម សាខា អនុសាខា កាកបាទក្រហមកម្ពុជា និង ក្រុមការងារ ឥស្សរជន ឆ្នើម តាម សាខា កាកបាទក្រហមកម្ពុជា ទាំង ២៥ រាជធានី – ខេត្ត បន្ត យកចិត្តទុកដាក់ ផ្សព្វផ្សាយ ឱ្យបាន កាន់តែ ទូលំទូលាយ ដល់ ស្ត្រី គ្រប់រូប ឱ្យមាន ការយល់ដឹង ខ្ពស់ ពី សារៈប្រយោជន៍ នៃ ការពិនិត្យ ផ្ទៃពោះ និង ការពិនិត្យ សុខភាព ក្រោយ សម្រាល ក្នុងអំឡុងពេល នៃ ការ រាតត្បាត ជាពិសេស ជំងឺ កូ វីដ -១៩ ។
ជាមួយគ្នានេះ សម្តេច កិត្តិ ព្រឹទ្ធ បណ្ឌិត សូម អំពាវនាវ ចំពោះ ថ្នាក់ដឹកនាំ មន្ត្រីរាជការ បុគ្គលិក សុខាភិបាល អ្នកផ្តល់ សេវា ទាំងអស់ ចូលរួម គាំទ្រ ការអនុវត្ត គោលនយោបាយ គាំពារ សង្គម របស់ រាជ រដ្ឋាភិបាល ឱ្យមាន ប្រសិទ្ធភាព ខ្ពស់ ដើម្បី ឈានទៅ សម្រេចបាន គោលដៅ របស់ រាជរដ្ឋាភិបាល តាម ការកំណត់ និង សូម អំពាវនាវ ដល់ គ្រប់ ស្ថាប័ន ពាក់ព័ន្ធ ទាំងអស់ ទាំង ជាតិ និង អន្តរជាតិ សូមជួយ និង បន្ត ជួយ វិនិយោគ គាំទ្រ ដល់ ការងារ សុខភាព មាតា ទារក និង កុមារ នៅ កម្ពុជា ។
សម្តេច កិត្តិ ព្រឹទ្ធ បណ្ឌិត មាន ក្តីសង្ឃឹម និង ជឿជាក់ថា រាជរដ្ឋាភិបាល កម្ពុជា ក្រោម ការដឹកនាំ ដ៏ ឈ្លាសវៃ និង ប្រកបដោយ គតិបណ្ឌិត របស់ សម្តេច អគ្គមហាសេនាបតី តេ ជោ ហ៊ុន សែន នាយករដ្ឋមន្ត្រី នៃ ព្រះរាជា ណា ចក្រ កម្ពុជា នឹង បង្កើន លទ្ធភាព ថ្មីៗ បន្ថែមទៀត ក្នុងការ ធ្វើឱ្យ កាន់តែ ប្រសើរឡើង នូវ ស្ថានភាព សុខភាព មាតា ទារក និង កុមារ នៅ កម្ពុជា ៕
