ភ្នំពេញ:សង្ស័យម្នាក់ត្រូវបានកម្លាំងសមត្ថកិច្ចចំរុះខណ្ឌដង្កោដាក់គោលដៅត្រួតពិនិត្យអាវុធជាតិផ្ទុះធ្វើការឃាត់ខ្លួនពីបទ រក្សាទុក នឹងប្រើប្រាស់ដោយខុសច្បាប់នូវសារធាតុញៀន។ កាលវេលាម៉ោង២០នឹង០០នាទីថ្ងៃទី ១៥ខែ កុម្ភៈ ឆ្នាំ២០២១ ត្រង់ចំណុចមុខសាលាខណ្ឌដង្កោ ផ្លូវ២១៧ ស្ថិតនៅភូមិថ្មី សង្កាត់ដង្កោ ខណ្ឌដង្កោ រាជធានីភ្នំពេញ ។
ជនសង្ស័យដែលឃាត់ខ្លួនបានមាន ឈ្មោះ ឡេង សុវណ្ណារិទ្ធ ភេទប្រុស អាយុ៣៥ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិទ្រា១ សង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ ។ វត្ថុតាងដកហូតបានរួមមាន ក្រាមថ្លាសសង្ស័យជាសារធាតុញៀនចំនួន០១កញ្ចប់ថង់តូច ។
សមត្ថកិច្ចបានឲ្យដឹងថា កាលពីថ្ងៃទី១៥ ខែកុម្ភៈ ឆ្នាំ២០២១ វេលាម៉ោង១៩និង៣០នាទី កម្លាំងចំរុះរបស់គណៈបញ្ជាការឯកភាពខណ្ឌដង្កោ បានចុះត្រួតពិនិត្យអាវុធជាតិផ្ទុះ ត្រង់ចំណុចមុខសាលាខណ្ឌដង្កោ ផ្លូវ២១៧ ស្ថិតនៅភូមិថ្មី សង្កាត់ដង្កោ ខណ្ឌដង្កោ រាជធានីភ្នំពេញ។ លុះដល់វេលាម៉ោង២០និង០០នាទី ក៏មានជនសង្ស័យម្នាក់ឈ្មោះ ឡេង សុវណ្ណារិទ្ធ
ភេទប្រុស អាយុ៣៥ឆ្នាំ បានដើរឆ្លងកាត់គោលដៅខាងលើក្នុងទិសដៅពីជើងទៅត្បូង ដោយមានការសង្ស័យសមត្ថកិច្ចយើងបានហៅអោយឈប់ ធ្វើការត្រួតពិនិត្យ ឆែកឆេរ រកឃើញក្រាមសថ្លាសង្ស័យជាសារធាតុញៀនចំនួន ០១កញ្ចប់ថង់តូច ទុកនៅក្នុងហោប៉ៅខោក្រោយ ខាងស្ដាំ របស់ជនសង្ស័យខាងលើ ហើយសមត្ថកិច្ចក៏បានឃាត់ខ្លួន រួមទាំងវត្ថុតាង យកមកធ្វើការសាកសួរ នៅអធិការរដ្នាននគរបាលខណ្ឌដង្កោ តាមនីតិវិធីច្បាប់តែម្តង ។
បច្ចុប្បន្នជនសង្ស័យខាងលើរួមនឹងវត្ថុតាងសមត្ថកិច្ចខណ្ឌដង្កោកំពុងធ្វើការសាកសួរកសាងសំណុំរឿងដើម្បីចាត់ការបន្តទៅតាមនិតិវិធីច្បាប់។
