ភ្នំពេញ ៖ ប្រទះឃើញសាកសពបុរសភេទទី៣ ដែលលោតសម្លាប់ខ្លួនលើស្ពានជ្រោយចង្វា បានអណ្តែតមកដល់ច្រាំងទន្លេហើយ ។
ហេតុការណ៍ប្រទះឃើញសពនេះ តាំងពីវេលាម៉ោង ១រសៀល ថ្ងៃទី៣១ ខែមករា ឆ្នាំ២០២១ ស្ថិតតាមមាត់ទន្លេ ខាងត្បួងពីស្ពានជ្រោយចង្វារប្រហែល ៣០០ ម៉ែត្រ ក្នុងសង្កាត់ស្រះចក ខណ្ឌដូនពេញ រាជធានីភ្នំពេញ។
តាមប្រភពពីសមត្ថកិច្ចបានឱ្យដឹងថា សពជនរងគ្រោះ ឈ្មោះ សុីម ទិ អាយុ២០ឆ្នាំ មុខរបរ កម្មកររោងចក្រ រស់នៅបន្ទប់ជួល ស្ថិតនៅក្នុងសង្កាត់ទួលសង្កែទី១ ខណ្ឌឬស្សីកែវ រាជធានីភ្នំពេញ ដែលសពរបស់ជនរងគ្រោះមានស្រុកកំណើត ភូមិព្រៃដើមថ្នឹង ឃុំដើមថ្នឹង ស្រុកសុីធរកណ្តាល ខេត្តព្រៃវែង។
គូួរំលឹកផងដែរថា នៅវេលាម៉ោង ៩ យប់ទី២៩ ខែមករា ឆ្នាំ២០២១ ប្រជាពលរដ្ឋ ដែលធ្វើដំណើរនៅលើស្ពានបានឃើញស្រ្ដីម្នាក់ លោតទឹកសម្លាប់ខ្លួនពីលើស្ពានជ្រោយចង្វាបានសម្រេច ដោយមិនស្គាល់អត្តសញ្ញាណនោះទេ បន្សល់ទុកតែស្បែកជើងពណ៌ខ្មៅមួយគូ នៅជិតបង្កាន់ដៃស្ពាននិងស្នាមដៃជើងនៅជាប់លើបង្កាន់ដៃស្ពានតែប៉ុណ្ណោះ។
រហូតនៅវេលាម៉ោង១រសៀល ទី៣១ ខែមករា ឆ្នាំ២០២១ ក៏ប្រទះឃើញសព ជនរងគ្រោះ បានអណ្តែតមកដល់ច្រាំងទន្លេ ខាងត្បួងពីស្ពានជ្រោយចង្វារ កន្លែងដែលលោតប្រហែត ៣០០ ម៉ែត្រ ដោយបង្កភាពភ្ញាក់ផ្អើលដល់ប្រជាពលរដ្ឋ រួមកម្លាំងសមត្ថកិច្ចសារជាថ្មីម្តងទៀត។
តាមប្រភពព័ត៌មានពីមិត្តរបស់សពជនរងគ្រោះ បានឱ្យដឹងថា រយះពេលកន្លងមក ជនរងគ្រោះ បម្រុងមកលោតទឹកលើស្ពាននេះ ជាច្រើនលើកមកហើយ តែមិនបានសម្រេច តែរហូតមកដល់យប់ថ្ងៃទី២៩ នេះគាត់លោតជាលើកចុងក្រោយរហូតបានសម្រេចតែម្តង ដោយមូលហេតុ ពិបាកចិត្តរឿងផ្ទាល់ខ្លួន និង គ្រួសារ។
ក្រោយពេលកើតហេតុកម្លាំងសមត្ថកិច្ចបានចុះមកដល់ទីតាំងកើតហេតុ និងចុះស្រង់សពឡើងមកខាងលើ រួចសរសេរលិខិតប្រគល់សពជនរងគ្រោះឱ្យគ្រុមគ្រូសារយកទៅធ្វើបុណ្យតាមប្រពៃណី៕
