ឆ្នាំ២២១ ជាឆ្នាំថ្មីប្រកបដោយភាពជឿជាក់ដោយសារតែគេជឿថា បងប្អូននៅលើពិភពលោកនឹង ជួបអ្វីដែលល្អហើយរួចផុតរឿងសៅហ្មងទាំងឡាយ។ពិសេសអារម្មណ៍ តឹងតាយនៃមេរោគ១៩ បានវាយប្រហារធ្វើអោយ អាក់ដំណើរផ្សេងៗ។ម្ល៉ោះម្នាកបន់ស្រន់អោយមេរោគនេះ ឆាប់សាបសូន្យ នឹងរំពឹងថាឆ្នាំ២០២១នឹងលេបអ្វីៗដែលមិនល្អពីឆ្នាំចាស់អោយផុតរលត់។
ក្នុងនោះដើរយើងឃើញថា ថ្ងៃឆ្លងឆ្នាំសាកល ទី៣១ឆ្លងចូលថ្ងៃទី១ មករា ឆ្នាំ២០២១ យើងឃើញ ប្រជាពលរដ្ឋ កម្ពុជាយើងគ្រប់ស្រទាប់វណ្ណៈ បង្ហោះសាជូនពរ និងប្រាថ្នាបួងសួងពី វត្ថុសាកសិទ្ឋិ អោយជួយបីបាច់ប្រជានុរាស្ត្រកម្ពុជាជួបតែសុខសុមង្គល។ពិសេសពិតជាមិនចង់ឃើញ អ្វីដែលមិនល្អដែលបានកើតឡើងដូចឆ្នាំមុនជាដាច់ខាត សុំតែការជួបភាពប្រសើរ ហើយអាចបំពេញកិច្ចការងារបានរលូន។
យ៉ាងណា មិញយើង ងាកមកមើលសារពាក្យពេចន៍ជូនពរ របស់ឧកញ៉ាជំនួញធំៗ និងអ្នកលក់ផលិតផលអន ឡាញល្បីៗ ក៏បានចូលរួមបំផុស ពាក្យជូនពរដល់បងប្អូនជនរួមជាតិ ក្រុមគ្រួសារក៏ដូចជាសាច់ញាតិ អតិថិជន និងតំណាងចែកចាយទាំងអស់របសើខ្លួន។ខាងក្រោមនេះយើងសូមបង្ហាញនូវអត្ថន័យខ្លះៗរបស់បុគ្គលល្បីឈ្មោះ ក្នុងឱកាសឆ្លងឆ្នាំសាកល៖
អ្នកលក់ផលិតផលល្បីឈ្មោះ ដែលចូលចិត្ត សាងបុណ្យ និងការងារមនុស្សធម៌ អ្នកនាងទ្រី ដាណា បានបង្ហោះសារជូនពរដែរថា «ជូនពរបងប្អូនទាំងអស់គ្នាក្នុងឆ្នាំថ្មីមានសុខភាពល្អនិងរកទទួលទានមានបានឈ្នះអស់មារសត្រូវលុយចូលដូចទឹក🙏សមបងប្អូនសុខសប្បាយទាំងផ្លូវកាយនិងផ្លូវចិត្តហើយសុភមង្គលក្នុងគ្រួសារ🙏»
អ្នកនាងមាស សុវណ្ណរតនា អតីតពិធីការិនី និង បានវិវត្តន៍ខ្លួនក្លាយជាម្ចាស់ ប្រេនNUNA បានផ្ញើសារដែថា «សូមគោរពអរគុណលោកអគ្គនាយក ហ៊ីង បញ្ញារិទ្ធ និងលោកស្រីអគ្គនាយិកា ទ្រី ដាណា នៃក្រុមហ៊ុន ដាណា ទ្រី (ខេមបូឌា) ត្រេឌីង ខូអិលធីឌី ដែលបានផ្ដល់កិត្តិយសដ៏ខ្ពង់ខ្ពស់អញ្ជើញចូលរួមក្នុងកិច្ចប្រជុំបូកសរុបការងារផលិតផលគ្រឿងសំអាងប្រេន NUNA ប្រចាំឆ្នាំ២០២០ និងលើកទិសដៅសំរាប់ឆ្នាំ២០២១ ជូនដល់ម្ចាស់ដេប៉ូ NUNA ទូទាំងប្រទេស ដើម្បីត្រៀមលក្ខណៈប្រយុទ្ធទីផ្សារឆ្នាំថ្មីឆ្នាំ២០២១ខាងមុខនេះ ឆ្ពោះទៅរកភាពជោគជ័យ..🙏🏻🙏🏻🙏🏻»៕
លោកឧកញ៉ា អ៊ុច សម្បត្តិ ស្វាមីលោកជំទាវហឹម សុភ័ក្រ្ត បានផ្ញើសារនូវពាក្យមួយចំនួនដែលមានអត្ថន័យថា៖«ឆ្លងកាត់កាលលំបាកបំផុតនៅក្នុងដំណាក់កាលនីមួយៗក្នុងឆ្នាំ 2020 ធ្វើអោយខ្ញុំកាន់តែដឹងថា ខ្ញុំនៅមិនទាន់បានដឹងនូវរឿងជាច្រើន ទើបធ្វើអោយខ្ញុំ មានភាពយឺតយ៉ាវក្នុងការរៀបចំជីវិតអោយមានភាពងាយស្រួល។
ខ្ញុំ សូមអរគុណ ទីប្រឹក្សាដ៏ល្អរបស់ខ្ញុំ ដែលបានជួយខ្ញុំមួយរយៈនេះ ដើម្បីតស៊ូការលំបាកបំផុតនេះ ( ខ្មោចស្លាប់ ឡើងជិះសេះស ដៃកាន់ពាន ទទួលជោគជ័យ )
សូមត្រៀមខ្លួនស្វាមន៍ឆ្នាំថ្មី 2021 ទាំងអស់គ្នា ជាមួយនិងការរៀបចំទំនាក់ទំនងក្នុងសង្គម ជំនួញរឹងមាំ លំហូរសាច់ប្រាក់ច្បាស់លាស់ សុភមង្គលគ្រួសារអោយបានល្អបំផុត ទើបជីវិតអ្នកមានក្តីសុខបំផុត។»
ឆ្នាំចាស់ផ្លាស់ចូលឆ្នាំថ្មី.. អរគុណសំរាប់ឆ្នាំចាស់ និងសូមទទួលយកនូវអ្វីៗនាឆ្នាំថ្មី គ្រប់យ៉ាងសុីវិល័យជាងមុន ហើយក៏សូមអរគុណចំពោះការគាំទ្រផលិតផលម៉ែរួយ សូមជូនពរឲ្យអតិថិជនសំណាងល្អ ជោគជ័យ សម្រស់ក្មេងជាងវ័យ និងសូមឲ្យកូនៗជាតំណាងចែកចាយកាន់តែលក់ដាច់ គោលដៅបានសម្រេចគ្រប់ៗគ្នា ❤️❤️❤️Happy New Year !!»៕
ខ្ញុំ សូមបួងសួងដល់វត្ថុស័ក្កសិទ្ធ ក្នុងលោកជួយបីបាច់ថែរក្សា
និងប្រសិទ្ធពរជ័យ សេរីមង្គល បវរមហាប្រសើរក្នុងឱកាសឆ្នាំថ្មី ឆ្នាំសកល ២០២១
សូមទទួលបានសុខភាពបរិបូរណ៍ កម្លាំងខ្លាំងក្លា ប្រាជ្ញាឈ្លាសវៃ និងជួបតែសេចក្តីសុខ សុភមង្គល ប្រកបដោយពុទ្ធពរទាំង៤ ប្រការ គឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។គោរពជូនពរ ពីខ្ញុំ ហ៊ួត ជា។
មិនខុសគ្នានេះដែរចៅម៉ែ ដែលជាគ្រូហុងស៊ុយល្បីឈ្មោះ និងជាអ្នកលក់ផលិតផល ដែរនោះបានផ្ញើសារដែរថា «នឹករលឹកប្រទេសជាតិហើយបន់ស្រន់អោយប្រជាជនយើងរួចផុតពីទុក្ខលំបាកនេះក៏ដូចជាបន់ស្រន់អោយរដ្ឋាភិបាលកម្ពុជាយកឈ្នះបរិយាកាសលំបាកៗផងដែរ។
នៅលើបណ្តាញសង្គមរបស់រហ័សនាម ចៅម៉ែនៅប្រទេសថៃ បានលើកបន្តថា «ទាំងនឹកទាំងស្រលាញ់ប្រទេសកម្ពុជាមាតុភូមិជាទីស្រលាញ់របស់រចនា សូមអោយបុណ្យដែលរចនាបានសាងជាតិមុននឹងជាតិនេះសូមរំលែកជូនដល់ប្រជាជនខ្មែរជាទីរាប់អានសូមអោយជៀសផុតពីគ្រោះថ្នាក់ទាំងឡាយទាំងពួងផងចុះ
សូមវត្ថុស័ក្តិសិទ្ធនឹងព្រះម៉ែធរណីជួយតាមការពារមាតុភូមិជាទីស្រលាញ់របស់យើងខ្ញុំផង»៕ នៅមានបណ្តាអ្នកលក់អន ឡាញលេចធ្លោជាច្រើនទៀត ដែលបានបង្ហាញនូវពាក្យល្អៗ ជូនពរជនរួមជាតិយើង។
