ភ្នំពេញ៖រសៀលថ្ងៃទី11ខែវិច្ឆិកាឆ្នាំ2020 សមាគមវិមានរចនាសហការណ៍ជាមួយវិទ្យុFm103រាជធានីភ្នំពេញ បានយកអំណោយជាគ្រឿងបរិភោគ មានមី អង្ករ និងភេសជ្ជះទឹកផ្លែឈើយេនហ្គោ មានម៉ាស៊ីន ទឹកក្តៅទឹកត្រជាក់សំរាប់ប្រើប្រាស់ក្នុងបន្ទប់ទឹក មានកង្ហារពិដាន មានម្ស៉ៅ ទឹកដោះ គោឌុយមិចលេខ1កំប៉ុងធំ និង ថវិកាមួយចំនួន។
អំណោយទាំងអស់នេះបានមកពីសទ្ធាទឹកព្រះទ័យរបស់ព្រះភិក្ខុវង្ស សីហាព្រះចៅអធិការវត្តសំវរសីគូហៅវត្តជ្រែមួយរយបានចូលរួមជួយចំណាយបច្ច័យជាវជាម្ស៉ៅទឹកដោះគោឌុយមិចលេខ1កំប៉ុងធំចំនួន1កេសសំរាប់អោយទារកកំព្រាក្នុងមណ្ឌលបៅប្រចាំថ្ងៃ។ លោកកែវ សុវណ្ណតារានិងភរិយាព្រមទាំងបុត្របុគ្គលិកក្រុមហ៊ុនទឹកផ្លែឈើយេនហ្គោ ជួយទឹកសណ្តែក5កេសនិងទឹកត្រឡាច5កេស។
លោកហាំងដែកចាន់និងក្រុមគ្រួសារនិងមិតភ័ក្តជួយកង្ហារជាប់ពិដានចំនួន10។ សមាគមវិមានរចនាសហការណ៍ជាមួយវិទ្យុ រាជធានី ភ្នំពេញ Fm103 Mhzដឹកនាំដោយលោកហ៊ួ ហេមវិចិត្របានជួយនៅម៉ាស៊ីនទឹកក្តៅទឹកត្រជាក់ចំនួន5គ្រឿង អង្ករ200គីឡូ មីម៉ាម៉ា 6កេស និងថវិកា2លានរៀល ជួយដល់គណគ្រប់គ្រង បូរីទារកនិងកុមារជាតិ សំរាប់ ប្រើប្រាស់ មើលថែ ទាំ ទារកនិងកុមារកំព្រា កុមារពិការជាង150នាក់ដែលកំពុងស្នាក់នៅទីនោះ។ នេះជាទឹកព្រះទ័យនិងទឹកចិត្តក្នុងការចែករំលែកនៅក្តីស្រលាញ់ បារម្ភ ផ្តល់ភាពកក់ក្តៅនិងទំនុកបំរ៉ុងខ្លះៗមានចំពោះទារកនិងកុមារកំព្រាកម្ពុជាយើង។ នៅក្នុងឨកាសនោះគណគ្រប់គ្រងសូមថ្លែងអំណរព្រះគុណនិងអរគុណដល់ទឹកព្រះទ័យនិងទឹកចិត្តសប្បុរសរបស់ម្ចាស់អំណោយទាំងអស់ដែលតែងតែឆ្លៀតចុះសួរសុខទុក្ខនិងយកអំណោយចែកជូន ក្មេងៗជាបន្តរ បន្ទាប់ រៀងរហូតមក។
