ពិតជាមានកិត្តិយសណាស់ នាថ្ងៃសិរីសួស្តី ត្រូវថ្ងៃពិធីអុំទូកទី៣ កម្មវិធីសម្ពោធផ្លូវការហាង «ភីជ ធី» បានប្រមូលផ្តុំដោយ តារាជាច្រើនចូលរួមបំផុសអោយម្ចាស់សាខាមានការទាក់ទាញនិងរំភើបចិត្ត។ម្ល៉ោះហើយកម្មវិធីទាំងមូលបានផ្អើលពេញផ្លូវសាលាអាឡឺយ៉ង់ព្រោះតារាៗមកកកកុញទាំងព្រឹកបង្ហាញសាជូនពរដល់ម្ចាស់ហាងសាខាភីជ ធីទី៦។
កម្មវិធីសម្ពោធខាងលើនេះ បានប្រារព្ឋធ្វើឡើងកាលពីថ្ងៃទី១ វិច្ឆិកា ឆ្នាំ២០២០ តាមបណ្តោយផ្លូវសាលាអាឡឺយ៉ង់រាជធានីភ្នំពេញ។ក្នុងនោះឃើញមានវត្តមានតារាលេចធ្លោមួយចំនួន អ្នកនាង ហេង សោភា ម្ចាស់សាខាទី៦ និងស្វាមី អ្នកនាង គង់ ច័ន្ទនីកា អ្នកនាំប្រេនភីជ ធីពីប្រទេសចិនហុងកុងមកកាន់ទីផ្សារកម្ពុជា។
អ្នកនាង ហេង សោភា ដែលជាម្ចាស់សាខាទី៦ ភីជ ធី បានប្រាប់ក្នុងទឹកមុខរីករាយនាឱកាសសិរីសួស្តីថាមូលហេតុយើងជ្រើសរើសប្រេនភីជ ធីព្រោះបានជួយថែរក្សាសុខភាពរបស់ អតិថិជនទាំងចាស់ទាំងក្មេង។ភេសជ្ជៈ ភីជ ធីសម្បូរទៅដោយតែផ្លែឈើ មានផ្លែឈើស្រស់ និងរសជាតិជាច្រើនមុខ ជាផលិតផលតាមស្តង់ដារ សុវត្ថិភាពចំណីអាហារ តម្រូវតាមនុស្សគ្រប់វ័យ។វាបានបំពេញដោយគ្រឿងផ្សំមានគុណភាពនិងស្លឹកតែដែលដុះចេញនៅប្រទេសហុងកុង ជួយការពារការឡើងសម្ពាធឈាមបង្កើនថាមពល ស្រស់ស្រាយអារម្មណ៍មិនអោយឡើងគីឡូ។ល្អសម្រាប់អ្នកធ្វើការហត់អស់កម្លាំង និងវ័យកណ្តាលឡើងទៅ។
អ្នកនាង គង់ ច័ន្ទនីកា ដែលបានពាំនាំប្រេននេះចូលមកបានគូសបញ្ជាក់ដែរថា ពីមួយថ្ងៃទៅមួយថ្ងៃមានការគាំទ្រយ៉ាងលើសលុប ពីអតិថិជនហើយជម្រុញអោយមានការពង្រីកសាខាបន្តបន្ទាប់។៥សាខាមុនៗមាន សាខាសាលាបឋមសិក្សាសន្ឋរមុខ សាខាទល់មុខក្រសួងសុខាភិបាល សាខាទល់មុខសាលាប៊ែលធីផ្សារដើមថ្កូវ សាខាទល់មុខផ្សារស្ទឹងមានជ័យថ្មី សាខាក្បែរសាលាន័រប្រ៊ីដផ្លូវ២០០៤ និងសាខាទី៦ ហើយសាខាទី៧ ត្រៀមសម្ពោធនៅបឹងកក់ផ្សារទំនើប View Park Mall និងនៅក្រុងព្រះសីហនុឆាប់ៗផងដែរ។
