ស្របពេល តារាជាច្រើនចេញមុខរួមកម្លាំងគ្នា ជួយជាសម្ភារៈផ្សេងៗយើងឃើញថា ក្រុមតារាប្រចាំផលិតកម្មហ្វីលមេឌារ ក៏បានធ្វើវិដេអូឃ្លីប ចេញជាសារួមគេសោកស្តាយការប៉ះពាល់ទឹកជំនន់។ នេះជាការបង្ហាញទឹកចិត្តរួមគ្នា ហើយតាមគម្រោងតារាទាំងនោះ និងក្រុមការងារនៅតែបន្តរួមគ្នាស្វែងអំណោយជួយដល់ពលរដ្ឋជួបផលលំបាកដោយសារទឹកជំនន់។
តារានៅក្នុងក្រុមចម្រៀង «ហ្វីលមេឌារ» រួមមាន ជួន អមរិទ្ឋ នូ សុវណ្ណដាណេ កញ្ញាចិន យ៉ាទី កញ្ញាឡៅ មុន្នីវណ្ណ ។ តារាទាំងនោះសុទ្ឋតែមានទឹកដមសំឡេងពិរោះ ហើយមានប្រវត្តិចូលប្រឡងចម្រៀង ក្នុងកម្មវិធីធំៗលំដាប់ពិភពលោក។ ពួកគេតែងតែបង្ហាញវត្តមានជាក្រុមតាមការ ប្រគំតន្ត្រីបែបអប់រំ ដល់កម្មកររោងចក្រនិង អប់រំផ្សេងៗ។ ជាពិសេសក៍បានបង្ហាញវត្តមានការប្រគំតន្ត្រីផ្សេងៗលើឆាកតន្ត្រីនានាលើកញ្ចក់ទូរទស្សន៏ផងដែរ។
ក្នុងសភាពស្រុកទេសកំពុងវឹកវរដោយបញ្ហាគ្រោះធម្មជាតិតារាទាំងនោះបានបង្ហាញសារសោកស្តាយហើយ បានអំពាវនាវអោយបងប្អូនយើងមានការប្រុងប្រយ័ត្នអោយបានខ្ពស់។ជាពិសេសបញ្ហាសុខភាពនិងការដឹកជញ្ជូនរបស់របរសំខាន់ៗ មកទីទួលសុវត្ថិភាពអោយទាន់ពេលវេលា។
