រាជធានីភ្នំពេញ ថ្ងៃទី ១៥ ខែតុលា ឆ្នាំ២០២០៖ Fincy ជាក្រុមហ៊ុន Fintech មួយដែលឈានមុខគេ និង ប្រកបដោយភាពច្នៃប្រឌិតខ្ពស់បំផុតប្រចាំតំបន់អាស៊ីអាគ្នេយ៍ បានប្រកាសនៅថ្ងៃនេះថា ខ្លួនបានពង្រឹងចំណងទំនាក់ទំនងយ៉ាងឆាប់រហ័សជាមួយនឹងដៃគូទូទាត់ជាង ៦០០ នៅប្រទេសកម្ពុជា។
វត្តមានរបស់Fincy បានបង្កើតឱ្យមានការរីកសាយយ៉ាងឆាប់រហ័សនូវមូលដ្ឋានដៃគូទូទាត់ ដោយហេតុថារាល់អាជីវកម្មតូចនិងមធ្យមទទួលស្គាល់ថាការចាប់ដៃគូជាមួយ Fincy បានជួយដល់ពួកគេក្នុងការពង្រឹងនូវម៉ាកយីហោរបស់ខ្លួន ទាក់ទាញចំណាប់អារម្មណ៍បន្ថែមរបស់អតិថិជន និង ធ្វើឱ្យប្រាក់ចំណូលរបស់ពួកគេមានការកើនឡើង។ ក្រុមហ៊ុនក៏មានគម្រោងពង្រីកបន្ថែមជាច្រើន និង ផ្តល់ប្រាក់លើកទឹកចិត្តឱ្យបានប្រសើរជាងមុនទៅដល់ដៃគូទូទាត់និង ភ្នាក់ងាររបស់ខ្លួន។
Fincy ចង់ធ្វើឱ្យអាជីវកម្មមានភាពងាយស្រួលក្នុងការក្លាយជាដៃគូទូទាត់ ដូច្នេះ Fincy ផ្តល់នូវជម្រើសដ៏ទាក់ទាញដែលជួយឱ្យពួកគេមានទំនាក់ទំនងល្អជាមួយ Fincy ផ្អែកទៅលើទិដ្ឋភាពជាក់ស្តែងនៃអាជីវកម្មរបស់ពួកគេ។ ទោះជាក្នុងជម្រើសណាមួយក៏ដោយ ដៃគូទូទាត់នៅតែអាចទទួលបានផលប្រយោជន៍ជាច្រើន។
សំរាប់ជម្រើសដែលខ្ពស់បំផុត ដៃគូទូទាត់អាចទាញបាននូវផលប្រយោជន៍រហូតដល់ ៦០ ភាគរយពីប្រតិបត្តិការទាំងអស់នៃអ្នកដែលបានចុះឈ្មោះគណនីដៃគូអាជីវករតែមួយគត់របស់ខ្លួន និង ៦០ ភាគរយពីគ្រប់ប្រតិបត្តិការដែលមាននៅតាមហាងរបស់ខ្លួន សំរាប់អ្នកធ្វើការទូទាត់ប្រាក់ ផ្ទេរប្រាក់ ឬ ប្តូរប្រាក់។ ការទាញយកនូវកម្មវិធីថ្មីៗនូវតាមរយៈ QR កួដ របស់ដៃគូទូទាត់នឹងត្រូវបានលោតបង្ហាញនៅក្នុងគណនីដៃគូទូទាត់ ហើយដៃគូទូទាត់នឹងទទួលបានផលប្រយោជន៍កើនឡើងពីប្រតិបត្តិការដែលបានធ្វើដោយអ្នកប្រើប្រាស់ថ្មីនៅលើកម្មវិធី App និង ប្រតិបត្តិការនានាផ្សេងទៀត។
ដើម្បីស្វែងយល់និងបង្កើននូវភាពងាយស្រួលសំរាប់ដៃគូទូទាត់និងសេវាកម្មរបស់ខ្លួន Fincy បានបោះពុម្ពនូវអត្ថបទល្អៗជាច្រើនដែលជួយដល់ដៃគូទូទាត់របស់ខ្លួនក្នុងការផ្សព្វផ្សាយលើគេហទំព័រ Facebook ឬ ទំព័រព័ត៌មានសង្គមដទៃទៀត។ វាជាវិធីសាស្រ្តដ៏មានប្រសិទ្ធភាពមួយសំរាប់ដៃគូអាជីវករក្នុងការផ្សព្វផ្សាយពីខ្លួនឯង នឹងសេវាកម្មរបស់ខ្លួនដែរបានបង្ហាញពីការចាប់ដៃគូជាមួយ Fincy ។
Fincy បានធ្វើឱ្យដៃគូទូទាត់មានភាពងាយស្រួលក្នុងការអភិវឌ្ឍនូវឋានៈខ្លួនដើម្បីក្លាយជាភ្នាក់ងាររបស់ Fincy ។ សំរាប់រាល់ដៃគូទូទាត់របស់ Fincy ដែលបានដាក់ពាក្យក្លាយជាភ្នាក់ងារនិងផ្តល់ឯកសារដែលចាំបាច់គ្រប់ចំនួន នឹងទទួលបាននូវការយកចិត្តទុកដាក់ពិសេសនិងឱកាសអភិវឌ្ឍភាពជាដៃគូរបស់ខ្លួនដើម្បីក្លាយជាភ្នាក់ងារ Fincy ។ បេក្ខជនជោគជ័យនឹងទទួលបានផលប្រយោជន៍ជាច្រើនតាមរយៈការសហការឧបត្ថម្ភរបស់ Fincy ផ្លាកសញ្ញាដែលអាចកំណត់បាន និង ប្រអប់ Lightbox សម្ភារៈផ្សព្វផ្សាយពាណិជ្ជកម្មដែលមានតម្លៃរហូតដល់ ១០០០ ដុល្លា និង ការថតរូបបែបអាជិព ដែលផ្តល់ជូនដោយក្រុមគ្រប់គ្រងទីផ្សាររបស់ Fincy ។ ដើម្បីផ្តល់នូវការផ្សព្វផ្សាយពាណិជ្ជកម្មបន្ថែម ភ្នាក់ងារក៏នឹងទទួលបាននូវអត្ថប្រយោជន៍នៃការផ្សព្វផ្សាយពាណិជ្ជកម្មប្រកបដោយប្រសិទ្ធភាពលើបណ្តាញសង្គមតាមរយៈ Fincy នឹងនៅលើបណ្តាញសង្គមរបស់ខ្លួន។
សំរាប់អត្ថប្រយោជន៍បន្ថែម ដៃគូទូទាត់ នឹងទទួលបាននូវការចាប់អារម្មណ៍ តាមរយៈកម្មវិធី “Merchants Nearby” ដែលផ្តល់នូវភាពងាយស្រួលក្នុងការកំណត់ទីតាំងដៃគូទូទាត់ររបស់ Fincy ដែលនៅជិតពួកគេបំផុត។តាមរយៈផលិតផលនិងសេវាកម្មហិរញ្ញវត្ថុជាច្រើនដែលផ្តល់តាមរយៈកាបូបចល័តរបស់ Fincy បានផ្តល់ដល់អ្នកប្រើប្រាស់នូវភាពបត់បែនច្រើនជាងមុន ជាមួយនឹងសេចក្តីសម្រេចលើការគ្រប់គ្រងប្រាក់និងហិរញ្ញវត្ថុសម្រាប់រយៈពេលវែង។ វាគឺជាឧបករណ៍ដើម្បីទទួលបានហិរញ្ញវត្ថុដ៏មានសក្តានុពល អនុញ្ញាតឱ្យអ្នកប្រើប្រាស់កំណត់ពីរបៀបដែលពួកគេគ្រប់គ្រងធនធានហិរញ្ញវត្ថុរបស់ពួកគេ។
លោក Zwan Ross Lee អគ្គនាយកនៃ Fincy ប្រចាំនៅប្រទេសកម្ពុជាបានមានប្រសាសន៍ថា «គោលដៅរបស់ Fincy គឺផ្តល់នូវភាពងាយស្រួលក្នុងការធ្វើការជាមួយពួកយើង។ គោលបំណងរបស់យើងគឺ ដើម្បីក្លាយជាដៃគូដ៏ពិតប្រាកដនិងជាទីទុកចិត្តដែលផ្តល់នូវការគាំទ្រដែលពាក់ព័ន្ធ និង ទាន់ពេលវេលា ដូច្នេះ ដៃគូទូទាត់និងភ្នាក់ងារអាចនឹងជម្រុញអាជីវកម្មរបស់ខ្លួន ឱ្យរីកចម្រើនប្រកបដោយទំនុកចិត្ត»។ លោក Zwan បានបន្ថែមទៀតថា «របៀបដែលយើងបម្រើដៃគូទូទាត់និងភ្នាក់ងារគឺផ្តល់ដល់ពួកគេនូវឧបករណ៍ និង ប្រព័ន្ធអេកូឡូស៊ី ដែលជួយពួកគេក្នុងការបង្កើតអាជីវកម្ម និង ជាចុងក្រោយអនាគតហិរញ្ញវត្ថុរបស់ពួកគេ។ យើងទាំងអស់គ្នានៅ Fincy ចង់បម្រើនូវសេចក្តីត្រូវការផ្នែកហិរញ្ញវត្ថុដល់អ្នកដែលយើងបម្រើ និង ធានាថាពួកគេមានធនធានត្រឹមត្រូវដើម្បីបម្រើសេចក្តីត្រូវការអាជីវកម្មរបស់ពួកគេ។ Fincy នៅទីនេះដើម្បីធានាដល់ភាពជោគជ័យរបស់ក្រុមគ្រួសារនិងអាជីវកម្មទាំងអស់។ យើងមានមោទនភាពដែលមានវត្តមាននៅទីនេះ និង បានក្លាយជាផ្នែកមួយនៃការបង្កើតប្រវត្តិសេដ្ឋកិច្ចដ៏អស្ចារ្យមួយដល់ប្រទេសកម្ពុជា»។
សម្រាប់ព័ត៌មានបន្ថែមសូមទំនាក់ទំនងមកកាន់៖
ក្រុមហ៊ុន៖ ធូ វេ ភីអ ឯ.ក
អាសយដ្ឋាន៖ #5 បន្ទប់ 2A1 ជាន់ទី2 ផ្លូវ282 សង្កាត់បឹងកេងកង1 ខ័ណ្ឌចំការមន
រាជធានីភ្នំពេញ, ប្រទេសកម្ពុជា។
លេខទូរស័ព្ទ៖ 023 22 18 78
អ៊ីមែល៖ hello@twowaypr.com
Fincy ជាកម្មវិធីទូរស័ព្ទចល័តមួយដែលផ្តល់នូវការទូទាត់ប្រាក់ ការផ្ទេរប្រាក់ ការបើកប្រាក់បៀវត្សនិងមុខងារប្តូរប្រាក់ផ្អែកលើបច្ចេកវិទ្យាលក្ខណៈចែកចាយ( Distributed Ledger Technology)។ ក្រុមហ៊ុននេះបានបង្កើតឡើងនៅឆ្នាំ 2019 ដែលមានការលូតលាស់ពាសពេញតំបន់អាស៊ីអាគ្នេយ៍ ហើយក៏នៅតែបន្តពង្រីកខ្លួនយ៉ាងឆាប់រហ័សនៅក្នុងតំបន់ផងដែរ។ ការពង្រីកខ្លួនយ៉ាងសកម្មរបស់ កម្មវិធីទូរស័ព្ទចល័ត Fincy ទទួលបានការគាំទ្របច្ចេកទេស ២៤ម៉ោង លើ ២៤ម៉ោង។ ជាមួយនឹងក្រុមការងារដែលមានបុគ្គលិកជាង ១០០នាក់ ហើយក្រុមនេះកំពុងបន្តរីកធំទៀត យើងនៅតែឈរលើអ្វីដែលយើងបានសន្យាថានឹងធ្វើជាវេទិកាផ្តល់សេវាបច្ចេកវិទ្យាហិរញ្ញវត្ថុដែលអាចទុកចិត្តបាន និងគ្មានគូប្រៀប។
កម្មវិធីទូរស័ព្ទចល័ត Fincy ទទួលបានការទុកចិត្តលើសពី 2០០០ក្រុមហ៊ុនជាសកល ជាមួយដំណោះស្រាយក្នុងពេលតែមួយដែលក្នុងនោះមានមុខងារសម្រាប់ជជែកកម្សាន្ត (Chat), សហគមន៍ (Community), ការចែករំលែក (Sharing), ការកម្សាន្តសប្បាយ (Entertainment), និងការធ្វើដំណើរ (Travel) ហើយអាចបំពេញសេចក្តីត្រូវការផ្សេងៗក្នុងការទូទាត់ប្រាក់ (Payment), ប្តូរប្រាក់ (Money exchange), វេរប្រាក់ (Transfer), និងពាណិជ្ជកម្មអេឡិចត្រូនិក (e-commerce) ដូច្នេះហើយទើបធ្វើឲ្យកម្មវិធីទូរស័ព្ទចល័ត Fincy ក្លាយទៅជាកម្មវិធីដែលផ្តល់ដំណោះស្រាយគ្រប់ជ្រុងជ្រោយបំផុត ក្នុងការបង្កើតឲ្យមានដំណោះស្រាយយ៉ាងទូលំទូលាយក្នុងអន្តរកម្មហិរញ្ញវត្ថុគ្រប់បែបយ៉ាង សម្រាប់ប្រតិបត្តិការប្លុកឆែន (BCB), ប្រតិបត្តិការរវាងអាជីវករ និងអតិថិជន (B2C), និង ប្រតិបត្តិការរវាងអតិថិជន និងអតិថិជន (C2C)។
ជាមួយនឹងចក្ខុវិស័យក្នុងការបង្កើតសង្គមមួយដែលមិនចំាបាច់ប្រើប្រាស់សាច់ប្រាក់ តាមរយៈការជម្រុញឲ្យមានប្រតិបត្តិការឆ្លងដែនដែលលឿនបំផុតសម្រាប់ពលរដ្ឋ និងអាជីវកម្មសាកល ដើម្បីរស់នៅ និងធ្វើការគ្រប់ទីកន្លែង។ ហើយកម្មវិធីទូរស័ព្ទចល័ត Fincy ក៏បានផ្តល់ជូននូវហេដ្ឋារចនាសម្ព័ន្ធបច្ចេកវិទ្យាដ៏រឹងមាំដែលមានសុវត្ថិភាពខ្ពស់ដើម្បីគាំទ្រទៅដល់ការប្រើប្រាស់ក្នុងគោលបំណងជាច្រើននៅក្នុងកម្មវិធី app មួយនេះ។ បន្ថែមពីនេះកម្មវិធីទូរស័ព្ទចល័ត Fincy ថែមទាំងមានគោលបំណងកសាងនូវប្រព័ន្ធអេកូឡូហ្ស៊ី (Ecosystem) ដ៏មានសុវត្ថិភាព និងនិរន្តរភាពសម្រាប់អនាគតដ៏ឆ្លាតវៃទៀតផងដែរ។
អំពី GBCI Ventures PLC
GBCI Ventures PLC គឺជាក្រុមហ៊ុនដែលប្រតិបត្តិការកម្មវិធីទូរស័ព្ទចល័ត Fincy នៅក្នុងប្រទេសកម្ពុជា ដែលជាកម្មវិធី app ទូរស័ព្ទចល័តដ៏អស្ចារ្យមួយដែលផ្តល់នូវមុខងារជជែកកំសាន្តសង្គម ការទូទាត់ពហុបំណងលើការទូរទាត់សាច់ប្រាក់ ការផ្ទេរប្រាក់ ការបើកប្រាក់បៀវត្ស សមាជិកភាព និងមុខងារប្តូរប្រាក់ដែលផ្អែកលើបច្ចេកវិទ្យាលក្ខណៈចែកចាយ( Distributed Ledger Technology)។ ដោយមានការគាំទ្រពីសំណាក់ពីក្រុមហ៊ុនកាន់កាប់ធំរបស់ខ្លួននៅប្រទេសសឹង្ហបុរី គឺក្រុមហ៊ុន GBCI Ventures Pte Ltd, ក្រុមហ៊ុន GBCI Ventures PLC ទទួលបាននូវអាជ្ញាប័ណ្ណពីធនាគារជាតិនៃ កម្ពុជាដើម្បីសម្រេចមហិច្ឆតារបស់ខ្លួនឲ្យក្លាយទៅជាក្រុមហ៊ុនបច្ចេកវិទ្យាហិរញ្ញវត្ថុគ្រប់ជ្រុងជ្រោយ។
GBCI Ventures PLC គឺជាក្រុមហ៊ុនដែលផ្តល់សេវាទូទាត់ការចំណាយដែលមិនចាំបាច់ប្រើប្រាស់សាច់ប្រាក់ទាំងស្រុង និងមាននវានុវត្តបំផុត។ យើងមានគោលដៅកសាងផលិតផលមួយដែលនៅជុំវិញអតិថិជន និងដៃគូរបស់យើងក្នុងប្រទេសកម្ពុជា។
