ភ្នំពេញ : បុរសម្នាក់បានបើករថយន្ត ហាយឡេនឌ័រមួយគ្រឿងក្នុងយ៉ាងលឿនបានរេចង្កូតមកខាងឆ្វេងដៃក៏បុកជាមួយនឹងរបាំងថ្មពុះចែក ទ្រូងផ្លូវបណ្ដាលឱ្យរបាំងថ្ម១កង់ខ្ទាតទៅចំណីផ្លូវម្ខាងទៀតបាក់អស់ ២កង់ចំណែកឯរថយន្តដាច់កង់ម្ខាងទៅមុខលែង រួច ។ ហេតុការណ៍ខាងលើកើតឡើង កាលពីវេលា ម៉ោង៣និង៣០នាទីទៀបភ្លឺឈានចូលថ្ងៃ ទី២៣ ខែសីហា ឆ្នាំ២០២០
ត្រង់ចំណុចមុខអគ្គនាយកដ្ឋានធនធានរ៉ែ ស្ថិតតាមបណ្ដោយផ្លូវសហព័ន្ធរុស្ស៊ី ភូមិប៉ប្រកខាងត្បូងសង្កាត់កាកាប ទី១ ខណ្ឌពោធិ៍សែនជ័យ រាជធានីភ្នំពេញ។
អ្នកបើករថយន្ត បង្កមិនត្រូវបានស្គាល់អត្តសញ្ញាណនោះទេបានចាកចេញពីកន្លែងកើតហេតុបាត់ស្រមោល រថយន្តបង្កគឺម៉ាក ហាយឡេនឌ័រ ពណ៌ទឹកប្រាក់ ពាក់ផ្លាកលេខ ភ្នំពេញ 2T.8270បើកបរដោយបុរសម្នាក់។
តាមសម្ដីសន្តិសុខដែលយាមកាមនៅជិតកន្លែងកើតហេតុបានប្រាប់ឲ្យដឹងថាដំបូងឡើយគាត់ឃើញរថយន្ត ហាយឡេនឌ័រ បើកតាមបណ្ដោយផ្លូវសហព័ន្ធរូស្សុី ទិសដៅពីកើត ទៅលិចយ៉ាងលឿន ខណៈមកដល់ចំណុចកើតហេតុខាងលើរវល់តែនិយាយទូរស័ព្ឌ មិនបានមើលមុខក៏បានរេចង្កូតមកខាងឆ្វេងដៃក៏ជ្រុលទៅបុកនឹងរបាំងថ្មពុះចែកទ្រូងផ្លូវបណ្ដាលឱ្យបាក់អស់ ២កង់ ខ្ទាត១កង់ទៅចំណីផ្លូវម្ខាងទៀត។ ចំណែកឯរថយន្តរងការខូចខាត ដាច់កាឡេកង់ខាងមុខខាងឆ្វេងអស់មួយទៅមុខលែងរួច តែក្នុងហេតុការណ៍គ្រោះថ្នាក់ ចរាចរណ៏នេះមិនបង្កឲ្យនរណាម្នាក់រងរបួសនោះទេ។
ក្រោយពីកើតហេតុសមត្ថកិច្ចជំនាញចុះមកវាស់វែងស្ទូចយករថយន្តបង្កទៅរក្សាទុក នៅការិយាល័យចរាចរណ៍ផ្លូវគោកនៃស្នងការនគរបាលរាជធានីភ្នំពេញរង់ចាំដោះស្រាយគ្នានៅពេលក្រោយ ៕
