ស្រុកព្រៃនប់៖ ស្ត្រីម្នាក់ត្រូវបាន កម្លាំងនគរបាលស្រុកព្រៃនប់ ធ្វើការឃាត់ខ្លួន ក្រោយកណ្តៀវកាប់ទៅលើស្ត្រីម្នាក់ទៀតអោយរងរបួសគ្រាន់តែរឿងចុះដកម្អម ក្នុងស្រែហើយដើរកាត់ស្រូវ។ហេតុការណ៍កើតឡើងកាលពីល្ងាចថ្ងៃទី១៦ ខែសីហា ឆ្នាំ២០២០ នៅភូមិវាលមាសឃុំវាលរេញស្រុកព្រៃនប់ ខេត្តព្រះសីហនុ ។
សមត្ថកិច្ចឲ្យដឹងថា វេលាកើតហេតុ ខាងលើ មានជម្លោះ ហិង្សាមួយកើតឡើង បង្កដោយឈ្មោះហ៊ត ផល្លា ភេទស្រីអាយុ ៥៨ឆ្នាំ រស់នៅភូមិវាលមាស ឃុំវាលរេញ ស្រុកព្រៃនប់ ខេត្តព្រះសីហនុ។
ជនរងគ្រោះឈ្មោះ ប៉ែន អ៊ិន ភេទស្រីអាយុ៧០ឆ្នាំ រស់នៅភូមិវាលមាស ឃុំវាលរេញ ស្រុកព្រៃនប់ ខេត្តព្រះសីហនុ ។
សមត្ថកិច្ចបន្ត មូលហេតុដែល ឈានទៅទំនាស់ដើមឡើយស្ត្រីរងគ្រោះចូលទៅដកម្អម ដើរកាត់និងជាន់ស្រូវរបស់ជនបង្កពេលនោះជនបង្កស្តីអោយរឿងជាន់ស្រូវក៍ទាស់សំដីគ្នា ហើយភាគ គីរងគ្រោះទាញបំពង់ជ័រមកវាយលើជនបង្កមុន ហើយស្ត្រីបង្កររូបនេះក៏បានលើកខ្វាង(កណ្តៀវច្រូតស្រូវ)ដែលកាន់នៅនិងដៃ រងក្រវាស ក៏ត្រូវជនរងគ្រោះបណ្តាលអោយរងរបួសតែម្តង។
បច្ចុប្បន្នជនរងគ្រោះសម្រាកព្យាបាលនៅពេទ្យ ចំណែកជនបង្កនគរបាលនាំមកសួរនាំនិងធ្វើការឃាត់ខ្លួនកសាងសុំណុំរឿងតាមនីតិវិធី។
