រាជធានីបាងកក៖ បុរសវ័យចំណាស់ម្នាក់ដើរឆ្លងថ្នល់ ត្រឡប់មកពីទិញចំណីអាហារ ស្រាប់តែជួបនឹងគ្រោះអកុសល ត្រូវរថយន្ដបុកស្លាប់មួយរំពេច បង្កឲ្យភ្ញាក់ផ្អើលឡើង កាលពីវេលាម៉ោង៩ និង៣០នាទីយប់ ថ្ងៃទី១៥ ខែសីហា ឆ្នាំ២០២០ នៅលើផ្លូវលេខ៣១៣៨ ក្បែរការិយាល័យរដ្ឋបាលឃុំ Tambon ស្រុក Ban Bueang ខេត្ត Chonburi ប្រទេសថៃ។
មន្រ្ដីនគរបាលចរាចរថៃ បានឲ្យដឹងថា ជនរងគ្រោះ ឈ្មោះ Pharawong Srisukong អាយុ ៥៧ឆ្នាំ ស្នាក់នៅបន្ទប់សណ្ឋាគារ ក្បែរកន្លែងកើតហេតុ។ គាត់រស់នៅជាមួយប្រពន្ធឈ្មោះ Somwang Srisukong អាយុ៥៤ឆ្នាំ។ រីឯអ្នកបើកបររថយន្ដបង្ក មិនទាន់ស្គាល់អត្ដសញ្ញាណ។
ប្រភពព័ត៌មានពីសាច់ញាតិ បានឲ្យដឹងថា មុនពេលកើតមានគ្រោះអកុសលនោះ ជនរងគ្រោះបានចេញពីបន្ទប់ស្នាក់នៅ ហើយដើរឆ្លងថ្នល់ទៅរកទិញសាច់មាន់ដុត និងបាយដំណើបពីអ្នកលក់ នៅតាមដងផ្លូវ។ លុះពេលជនរងគ្រោះដើរត្រឡប់មកវិញ ស្រាប់តែជួបនឹងគ្រោះអកុសល ត្រូវរថយន្ដមួយគ្រឿងបុកស្លាប់យ៉ាងអាណោចអាធ័មបែបនេះតែម្ដង។
ក្រោយពេលកើតហេតុ សមត្ថកិច្ចជំនាញរបស់ថៃ បានឃាត់ខ្លួនអ្នកបើករថយន្ដបង្ក នាំទៅចាត់ការតាមនីតិវិធី។ បន្ទាប់មក សមត្ថកិច្ចបានធ្វើកំណត់ហេតុ ប្រគល់សាកសពជូនក្រុមគ្រួសារជនរងគ្រោះ ដើម្បីចាត់ការរៀបចំតាមប្រពៃណីថៃ៕
