ចាក់ដីខ្លួនរួច ចាក់លប់ប្រឡាយរដ្ឋបិតមុខទឹក មួយឆ្នាំជាងគ្មានដាក់លូ ពលរដ្ឋស្នើរដល់អាជ្ញាធរឃំុព្រៃពួច និងអាជ្ញាធរ ស្រុកអង្គស្នួល ពិនិត្យមើលនិងមានវិធានការ ខណះរដូវវស្សាចូលមកដល់

កណ្តាល: មានសេចក្តីរាយការណ៍ពីប្រជាពលរដ្ឋមកថា ទីតាំងចាក់ដីឡូត៍មួយកន្លែងជាប់ផ្លូវកៅស៊ូលេខ145 ស្ថិតនៅភូមិ ព្រៃក្រៃយ ឃំុព្រៃពួច ស្រុកអង្គស្នួល ខេត្តកណ្តាល បានចាក់ដីខ្លួនរួចរាល់ហើយ មិនកាប់កាយដីដាក់លូទេ ថែមទាំងចាក់លប់ប្រឡាយរដ្ឋបិតមុខទឹក អស់រយះពេលមួយឆ្នាំជាងមកហើយ នៅពំុទាន់ឃើញកាប់កាយដាក់លូរំដោះទឹកនៅឡើយទេ ខណះរដូវ វស្សាចូលមកដល់ ពលរដ្ឋធ្វើស្រែបង្កបង្កើនផល ។

ពលរដ្ឋសូម សំណូមពរ ដល់ អាជ្ញាធរ ស្រុកអង្គស្នួលជាពិសេស លោក ខុន សេរីរដ្ឋាអភិបាល ស្រុកអង្គស្នួល មេត្តាជួយ ត្រួតពិនិត្យ និង មាន វិធានការផង៕