ភ្នំពេញ ៖ យុវជនពីនាក់ជិះម៉ូតូចេញពីហូបស៊ុបវិញវិលត្រឡប់ទៅផ្ទះបែរជាជួបគ្រោះថ្នាក់ចរាចរណ៍ស្លាប់ទាំងពីរនាក់ភ្លាមៗនៅកន្លែងកើតហេតុ។
ហេតុការណ៍នេះបានកើតឡើងនៅម៉ោង៩ និង ២០ នាទី យប់ ថ្ងៃ ទី ២៨ ខែកក្កដា ឆ្នាំ ២០២០ តាម បណ្តោយ ផ្លូវជាតិ លេខ ១ សង្កាត់ ក្បាលកោះ ខណ្ឌ ច្បា អំពៅ រាជធានី ភ្នំពេញ ។
សមត្ថកិច្ចបានឲ្យដឹងថា ជនរងគ្រោះដែលស្លាប់មានឈ្មោះ ចាន់ ទៀ អាយុ ២៤ ឆ្នាំ មុខរបរលក់ គ្រឿងសំណង់ មាន ប្រពន្ធ និង កូន ២ នាក់ សព្វថ្ងៃ រស់នៅ ភូមិ ចា ឡក់ ឃុំ គគីរ ស្រុក គៀនស្វាយ ខេត្តកណ្តាល ។ អ្នករួមដំណើជាមួយគ្នាដែលស្លាប់នៅ មិនទាន់ ស្គាល់ អត្តសញ្ញាណ នៅឡើយ ។
ប្រភពព័ត៌មាននៅកន្លែងកើតហេតុ បាន ឲ្យ ដឹងថា មុនពេលកើតហេតុ គេបានឃើញ យុវជន ពីនាក់ជិះម៉ូតូមួយគ្រឿងម៉ាកហុងដា click ពណ៌ ស ពាក់ស្លាកលេខ ភ្នំពេញ 1-GL 9895 ឌុប គ្នា ចេញពី កន្លែង ហូប ស៊ុបមកពី ក្រោយ រថយន្ត ដឹក ដី តាមបណ្តោយ ផ្លូវជាតិ លេខ ១ ក្នុងទិសដៅ ពី កើតមក លិច ស្របគ្នាលុះមកដល់ចំណុចកើតហេតុស្រាប់តែយុវជនពីរនាក់បន្ថែមល្បឿនម៉ូតូលឿនជ្រុលក៏ចាប់ហ្វ្រាំងមិនទាន់ជ្រុលទៅបុករថយន្តដឹកដីចង្កូតស្តាំពាក់ស្លលេខPP-0912បើកបរដោយបុរសម្នាក់ ពីក្រោយពេញទំហឹងបណ្តាលឲ្យស្លាប់ទាំងពីរនាក់តែម្ដង
ក្រោយកើតហេតុ សមត្ថកិច្ច មូលដ្ឋាន ចុះដល់កន្លែងកើតហេតុក៏បានទំនាក់ទំនងទៅខាងសមត្ថកិច្ចជំនាញចរាចរណ៍នៃស្នងការនគរបាលរាជធានីភ្នំពេញចុះមកវាស់វែងយករថយន្តនិងម៉ូតូទៅរក្សាទុកនៅការិយាល័យចរាចរផ្លូវគោករងចាំដោះស្រាយគ្នានៅពេលក្រោយ ចំណែកសាកសពសមត្ថកិច្ចធ្វើកំណត់ហេតុប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណី ។
