Hot News!បន្ទាប់ពីតម្លៃប្រេងធ្លាក់ចុះអស់រយៈពេលជាច្រើនខែ នៅថ្ងៃច័ន្ទនេះមានការរំពឹងទុកខ្ពស់ថាការធ្លាក់ចុះនូវល្បឿននៃការឆ្លងមេរោគកូរ៉ូណាអាចធ្វើអោយតម្លៃប្រេងមានការស្ទុះងើបឡើងវិញស្របពេលតម្រូវការប្រេងមានការកើនឡើង។
ប្រេងឆៅប្រភេទ Brent ធ្លាប់បានធ្លាក់ចុះ ១០ សេនឬ ០,២ ភាគរយ ក្នុងតម្លៃនៅត្រឹម ៤៣,០៤ ដុល្លារក្នុងមួយបារ៉ែលកាលពីសប្តាហ៍មុន។ ចំណែកតម្លៃប្រេងនៅអាមេរិកបានធ្លាក់ចុះ ៦ សេនឬ ០,២ ភាគរយក្នុងតម្លៃ ៤០.៥៣ ដុល្លារក្នុងមួយបារ៉ែល នឹងត្រូវបានគេរំពឹងថាមានការកើនចំនួន ៤ សេនក្នុងរយៈពេលមួយសប្ដាហ៍បន្ទាប់។
លោក Stephen Innes ប្រធានផ្នែកគ្រប់គ្រងយុទ្ធសាស្រ្តទីផ្សារសកលនៅក្រុមហ៊ុន Axicorp បានមានប្រសាសន៍ថា“ ជាមួយនឹងករណីឆ្លងប្រចាំថ្ងៃនៃវិរុសទូទាំងពិភពលោកជាពិសេសសហរដ្ឋអាមេរិកពួកគេអាចបង្ហាញពីជោគជ័យបន្តិចបន្តួចជាផ្នែកមួយជួយជំរុញតម្លៃប្រេងអោយមានភាពប្រសើរជាងមុន។
សូមបញ្ជាក់ថារហូតមកដល់ពេលនេះ មានមនុស្សជាង ១៤ លាននាក់បានឆ្លងវីរុសនេះហើយបានសម្លាប់មនុស្សជិត ៦០២.០០០ នាក់នៅទូទាំងពិភពលោក ខណៈដែលតម្រូវការប្រេងឥន្ធនៈបានងើបឡើងវិញនៅពេលមានការធ្លាក់ចុះចំនួន ៣០ ភាគរយក្នុងខែមេសាបន្ទាប់ពីប្រទេសនានាជុំវិញពិភពលោកបានដាក់ចេញនូវការចាក់សោរសោរប្រទេសយ៉ាងតឹងរឹងដើម្បីទប់ស្កាតការឆ្លងរាលដាល់នៃវិរុស និងបានធ្វើអោយតម្រូវការលក់រាយជាពិសេសសហរដ្ឋអាមេរិកដែលមហាអំណាចសេដ្ឋកិច្ចបានធ្លាក់ចុះជាថ្មីម្តងទៀតនៅពេលដែលការឆ្លងកើនឡើង។
ចំណែកតួលេខផ្លូវការមួយទៀតបានបង្ហាញកាលពីថ្ងៃច័ន្ទបង្ហាញថាការនាំចូលប្រេងរបស់ជប៉ុនបានធ្លាក់ចុះ ១៤,៧ ភាគរយក្នុងខែមិថុនាគឺមានរយៈពេលពីរខែដូចគ្នាកាលពីឆ្នាំមុន។ ការធ្លាក់ចុះនេះមិនត្រូវបានគេនិយាយច្បាស់ដូចនៅក្នុងខែឧសភាទេនៅពេលដែលពួកគេធ្លាក់ចុះ ២៥ ភាគរយពីមួយឆ្នាំទៅមួយឆ្នាំ។ ទោះយ៉ាងណាការនាំចេញពីប្រទេសដែលមានសេដ្ឋកិច្ចធំលំដាប់ទី ៣ នៅលើពិភពលោកមួយនេះបានធ្លាក់ចុះទ្វេដងសម្រាប់ខែទីបួន ខណៈដែលជំងឺរាតត្បាតខ្លាំងបានធ្វើឱ្យប៉ះពាល់ដល់តម្រូវការពិភពលោក។ នៅពេលទិន្នន័យបានបង្ហាញកាលពីថ្ងៃសុក្រថានៅសហរដ្ឋអាមេរិកបានកាត់បន្ថយចំនួនអណ្តូងប្រេងនិងឧស្ម័នធម្មជាតិដែលកំពុងដំណើរការទៅជាកំណត់ត្រាមួយសម្រាប់រយៈពេល ១១ សប្ដាហ៍ជាប់ៗគ្នា។
