ភ្នំពេញ៖ ល្បែងហ្គេមបាញ់ត្រីជាច្រើនទីតាំងកំពុងនៅតែបន្តបើក ទាំងយប់ទាំងថ្ងៃយ៉ាងអាណាធិបតេយ្យដដែល ហើយពុំដែលឃើញអាជ្ញាធរមូលដ្ឋាន ឬ សមត្ថកិច្ចជំនាញណាចុះមកបង្ក្រាបសោះ មានទីតាំងស្ថិតនៅផ្ទះ៧៤+៧៥ និងផ្ទះ១១៤ ផ្លូវ១២៦ សង្កាត់ផ្សារថ្មី១ ខណ្ឌដូនពេញ ក្បែរបេនឡាន និងផ្ទះ៤៨B ផ្លូវ១៨៤ សង្កាត់ផ្សារថ្មី៣ ខណ្ឌដូនពេញ ទល់ មុខអាហារដ្ឋានអូរឬស្សីហើយ និងតូបគ្មានលេខ ស្ថិតនៅតាមផ្លូវលេខ១៧២ វិថី(ជ័យវរ្មន័ទី៧)សង្កាត់ផ្សារថ្មី៣ ខណ្ឌដូនពេញ និង ៣ទីតាំងទៀតស្ថិតនៅតាមបណ្តោយផ្លូវលេខ៥១ ក្បែរ
ស្តុបសូរិយាម៉លក្នុងសង្កាត់ផ្សារថ្មី២ ខណ្ឌដូនពេញ រាជធានីភ្នំពេញ ។
សូមបញ្ជាក់ថា ល្បែងស៊ីសងខុសច្បាប់ត្រូវរាជរដ្ឋាភិបាលកម្ពុជា កំណត់ជាចំណុចដែលត្រូវលុបបំបាត់ និងបង្ក្រាបឲ្យខានតែបានដើម្បីភូមិ សង្កាត់ មានសុវត្ថិភាព ជូនដល់បងប្អូនប្រជាពលរដ្ឋ ដែលក្រសួងមហាផ្ទៃបានប្រកាសដាក់ចេញនូវ គោលនយោបាយទាំង៩ចំនុចរបស់រាជរដ្ឋាភិបាលដើម្បីឲ្យអាជ្ញាធរមូលដ្ឋាននិងសមត្ថកិច្ចពាក់ព័ន្ធ អនុវត្តន៍កន្លងមក។
តាមមាត្រា៥នៃច្បាប់ស្តីពី ការបង្ក្រាបល្បែងស៊ីសង បានចែងថា អ្នកបើកកន្លែងលេងល្បែងស៊ីសង អ្នកកាន់កាប់ អ្នក ចាត់ចែង និងភ្នាក់ងារល្បែងស៊ីសង ត្រូវប្រឈមការផ្តន្ទាទោសដាក់ពន្ធនាគារពី ១ឆ្នាំ ទៅ ៥ឆ្នាំ ។
ប្រជាពលរដ្ឋរស់ក្បែរទីតាំងហ្គេមបាញ់ត្រីជាច្រើនខាងលើនិងមហាជនទូទៅកំពុងរង់ចាំមើលនូវចំណាត់ការរបស់ឯកឧត្តម ឃួង ស្រេង អភិបាលរាជធានីភ្នំពេញ ជាពិសេសលោក សុខ- ពេញវុធ អភិបាលខណ្ឌដូនពេញ និងលោក ទៀង ចាន់សារ អធិការនគរបាលខណ្ឌដូនពេញ តេីអាចបង្រ្កាបល្បែងស៊ីសងហ្គេមបាញ់ត្រីដុះស្លែរជាច្រើនកន្លែងខាងលើនេះបានដែរឬទេ?
បងប្អូនប្រជាពលរដ្ឋសង្ឃឹមថាអាជ្ញាធរមូលដ្ឋាន មិនឃុបឃិតបណ្តែតបណ្តោយឲ្យទីតាំងល្បែងស៊ីសងបាញ់ត្រីអស់ទាំងនេះកើតមានបង្កភាពអសន្តិសុខដល់ពួកគាត់់បន្តទៀតឡើយ៕
