ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម នៅព្រឹកថ្ងៃទី១៥ ខែកញ្ញា ឆ្នាំ២០២១បានជួបសំណេះសំណាលជាមួយ សិស្សានុសិស្សដែលទទួលបាន អាហាររូបករណ៍ ចំនួន៩៩ នាក់ និងបន្តចុះពិនិត្យមើលការរៀបចំឡេីង វិញ នៃវិទ្យាល័យសម្តេច ជួន ណាត ស្ថិតនៅ ក្នុងឃុំក្រឡា ស្រុកកំពង់សៀម ខេត្តកំពង់ចាម ។
ក្នុងឳកាសនោះឯកឧត្តម បានផ្តាំផ្ញើដល់ ប្អូនៗ និងក្មួយៗ សិស្សានុសិស្សទាំងអស់គ្នាត្រូវខិតខំប្រឹងប្រែងរៀនសូត្រ ជាពិសេសថ្ងៃដែលត្រូវអនុញ្ញាត្តិបេីកឲ្យដំណេីរសាលារៀនឡេីងវិញ ។ ត្រូវបន្តចូលរួមអនុវត្តឲ្យបានខ្ជាប់ខ្ជួន ទៅតាមការណែនាំរបស់ក្រសួងសុខាភិបាល ជាពិសេសវិធានការ ៣ ការពារ និង៣កុំ ។
ហើយសូមស្នើដល់លោកគ្រូ-អ្នកគ្រូ និងសិស្សានុសិស្ស ដែលមានអាយុ១២ឆ្នាំឡេីងទៅ ត្រូវចូលរួមមកទទួលវ៉ាក់សាំងឲ្យគ្រប់គ្នាៗ និងចូលរួមការពារប្រុងប្រយ័ត្នខ្ពស់លេីការបង្រៀន និងការសិក្សារៀនសូត្រ ក្នុងពេលខាងមុខនេះ ដែលត្រូវបេីកឲ្យដំណេីរចាប់ពីកម្រិតអនុវិទ្យាល័យឡេីងទៅ នៅថ្ងៃទី២០ ខែកញ្ញា ឆ្នាំ២០២១នេះ តទៅ សម្រាប់ ដំណាក់ទីមួយ ។ដោយឡែក ដំណាក់ទីពីរ នឹងត្រូវបានបេីកម្រិតបឋមសិក្សា នៅថ្ងៃទី១១ ខែតុលា ខាងមុខនេះ ប្រសិនបើមិនមានឧបសគ្គអ្វីធំដុំនោះទេ។
